Versets bíblics populars de व्यवस्थाविवरण 4

Comparteix

पर ओड़ै भी जै थम अपणे परमेसवर यहोवा नै ढूँढ़ोगे, तो वो थारै ताहीं मिल ज्यागा, शर्त या सै के थम अपणे पूरे मन तै अर अपणे सारे प्राण तै उस ताहीं ढूँढ़ो।

क्यूँके थारा परमेसवर यहोवा दयालु परमेसवर सै, वो थारै ताहीं ना तो छोड्डैगा अर ना नाश करैगा, अर जो करार उसनै थारे पितरां तै कसम खाकै करया सै उस ताहीं कोनी भूल्‍लैगा।”

क्यूँके थारा परमेसवर यहोवा भस्म करण आळी आग सै; वो जळण राक्खण आळा परमेसवर सै।”

“यो घणा जरूरी सै के थम अपणे बारै म्ह सचेत रहो, अर अपणे मन की घणी चौकसी करो, कदे इसा ना हो के जो-जो बात थमनै अपणी आँखां तै देक्खी उन ताहीं भूल जाओ, अर वो जिन्दगी भरकै खात्तर थारै मन तै जान्दी रहवै; पर थम उन ताहीं अपणे बेट्टयाँ पोत्यां ताहीं सिखाईयो।

इस करकै आज जाण ले, अर अपणे मन म्ह राख, के उप्पर अकास म्ह अर तळै धरती पै यहोवा ए परमेसवर सै; और कोए दूसरा कोनी।

देक्खो, कौण इसी बड्डी जात सै जिसका देवता उसकै इसा धोरै रहन्दा हो जिसा म्हारा परमेसवर यहोवा, जिब भी हम उस ताहीं बोल्‍लां सां?

अन्त के दिनां म्ह जिब थम संकट म्ह पड़ो, अर ये सारी बिप्दा थारै पै आण पड़ै, फेर थम अपणे परमेसवर यहोवा कान्ही फिरो अर उसकी मानियो

जो हुकम मै थारै ताहीं सुणाऊँ सूं उस म्ह तै ना तो कुछ बढ़ाईयो, अर ना कुछ घटाईयो; थारे परमेसवर यहोवा के जो-जो हुकम मै थमनै सुणाऊँ सूं उननै थम मानियो