Versets bíblics populars de व्यवस्थाविवरण 5

Comparteix

अपणे पिता अर अपणी माँ का आदर करियो, जिस तरियां के थारे परमेसवर यहोवा नै थारे ताहीं हुकम दिया सै; जिसतै जो देश थारा परमेसवर यहोवा थमनै देवै सै उस म्ह थम घणे दिन ताहीं रहण पाओ, अर तेरा भला हो।

जिस राह पै चाल्‍लण का हुकम थारे परमेसवर यहोवा नै थारै ताहीं दिया सै उन सारे राह पै चाल्दे रहियो, के थम जिन्दा रहो, अर थारा भला हो, अर जिस देश के थम हकदार होवैगें उस म्ह थम घणे दिनां कै खात्तर बणे रहो।”

थम उन ताहीं दण्डवत ना करियो अर ना उनकी भगति करियो; क्यूँके मै थारा परमेसवर यहोवा जळण राक्खण आळा परमेसवर सूं, अर जो मेरै तै बैर राक्खै सै उनकै बेट्टयाँ, पोत्यां, अर पड़पोत्यां ताहीं पितरां की सजा दिया करुँ सूं, अर जो मेरै तै प्यार राक्खै सै अर मेरे हुकमां नै मान्‍नै सै उन हजारां पै करुणा करया करुँ सूं।

थम अपणे खात्तर कोए मूर्ति खोदकै ना बणाईयो, ना किसे की प्रतिमा बणाईयो जो अकास म्ह, या धरती पै, या धरती कै पाणी म्ह सै

मन्‍नै छोड़ दुसरयां नै परमेसवर करकै ना मानिये।

थम अपणे परमेसवर यहोवा का नाम बेकार म्ह ना लियो; क्यूँके जो यहोवा का नाम बेकार म्ह लेवै उस ताहीं यहोवा सजा दिये बिना न्ही छोड़ैगा।

भला होंदा के उनका मन सदा इसाए बण्या रहवै, के वे मेरा भय मान्दे होए मेरे सारे हुकमां पै चाल्दे रहवैं, जिसतै उनकी अर उनकी पीढ़ी की सदा भलाई होन्दी रहवै!

थम विश्रामदिन नै पवित्र मानियो, जिस तरियां तेरे परमेसवर यहोवा नै थारे ताहीं हुकम दिया।

थम ना किसे की घरआळी का लालच करियो, अर ना किसे कै घर का लालच करियो, ना उसकै खेत का, ना उसके दास का, ना उसकी दास्सी का, ना उसकै बळध या गधे का, ना उसकी किसे और चीज का लालच करियो।

थम व्यभिचार ना करियो।

थम किसे कै खिलाफ झूठ्ठी गवाही ना दियो।

थम हत्या ना करियो।

थम चोरी ना करियो।

अर इस बात नै याद राखियो के मिस्र देश म्ह थम खुद दास थे, अर ओड़ै तै थारा परमेसवर यहोवा थमनै बलवन्त हाथ अर बढाई होई बांह कै जरिये लिकाड़ ल्याया; इस करकै थारा परमेसवर यहोवा थमनै विश्रामदिन मान्‍नण का हुकम देवै सै।

हफ्ते कै छः दिन तो मेहनत करकै अपणा सारा काम-काज करियो; पर सातवाँ दिन थारे परमेसवर यहोवा कै खात्तर विश्रामदिन सै; उस म्ह ना तू किसे ढाळ का काम-काज करियो, ना तेरा बेट्टा, ना तेरी बेट्टी, ना तेरा दास, ना तेरी दास्सी, ना तेरा बळध, ना तेरा गधा, ना तेरा कोए पशु, ना कोए परदेशी भी जो थारे फाटकां कै भित्तर हो; जिसतै थारा दास अर थारी दास्सी भी तेरै ढाळ आराम करै।

“तेरा परमेसवर यहोवा, जो तन्‍नै गुलाम्मी कै घर यानिके मिस्र देश म्ह तै लिकाड़ ल्याया सै, वो मै सूं।”