Versets bíblics populars de Mbete Zak 3

Comparteix

Mí ru̧na ké ur ke nunmbam te-teh dara mí ɓa ɗeŋ, ƴo lah hani ke nzukri, ƴo ke suk-lah ɓay, ƴo mbar fe laɓna gbam ke law in ke suki ké mi̧hri-u leh suki. Ru̧na-u lu nun nzuk ya, mu̧h ketina ya pi.

A ge ké sakra woiri-aw mí ru̧-ru̧ le ? A ge mí tu goso suki le ? Fe laɓna ye ɓá sɔk pihna ke siŋ sina suki ké-e si keni sina law a voh-u ké sa̧w ɓa ru̧na.

Mi̧hri sal in ké Ŋgerzah ŋga̧h ziŋ nzukri ɓa záh woyri, ké ruh ɓil ɗeŋ le, leh lehna hi̧ nzukri ké pihna woyri ɓa ɗeŋ.

ɓayu ké gel a a̧y ké sere ƴo ri, nzék law ɓay tul fe ƴo ri le, ɓéɓ gel ke fe laɓna a kɔkuri ɓoɗ ɓoɗ ƴo ri pi.

Rim ra nah ƴo pir keni baah Ŋgerzah Gaŋ tul feri riw mí nah ƴo mgba keni nazi ku̧ tul nzukri ké Ŋgerzah laɓ niri eŋ ni. Rim a mbew yaŋaw mí pir Ŋgerzah pi, mgba nazi ku̧ tul nzukri pi-aw ba, yi̧n biri, fe-u ɓá laɓ kaŋ ya.

Rim ɓa hɔrɔ, ɓa sa̧w mgbɔrɔ tukala-ay. Rim ɗeh puh ɓa suki ké mun wah mí sih gel kaɓna wah birim. Rimu ƴo nzuh gel sina wah par par. Sa̧w hɔrɔ ké rim wah nzuh keni gelri ur ke záh tukala.

Mí nzuk ké mah mba rim ye ta-a. Rim la-laŋ kpatara ɓa sa̧na. Rimu mbah ke pom-i hul.

Yi̧n biri, daɓa woiri ɓá ti̧h ɓa nzuk-sɔk ɓay Ŋgerzah ya ɓay fe le, i tu ɓahri se, salɓay kú-u ɓay kuŋ ku̧ tul wah nzuk-sɔk ɓay Ŋgerzahri ɓay kpuh mba salɓay nzuk a ɓoruri mba-mba.