Versets bíblics populars de KOLOSI 3

Comparteix

Tulu hagohago maikamu, vae diko te katukwale tikamu u viti na kinau rau hati vovohikamu te katukwale, vae raru ne domidomi koro lakwararua hoki na noda Hugwe* mo domidomi koro lakwakita.

Tulu tau na domimiu ne madi lo kinau takwa-hi, hete lo kinau hike lo varamana

Te hava boloki te hinea tulu ne vai, tulu vai kina domi vunuhia, hokinia kwara tulu boloki lakwai God, hete lakwa na tangaloi.

I kamu a tangaloi kokona noi God. U lagwa maikamu mo mataikamu kwara tulu ne kwareki a nona. Karea, tulu lugwaki na bohiana na tokaana karagwa hoki na lugwamiu hinea rau karagwa. Tulu ne hakavi na tangaloi, tulu vaivai karea mana tangaloi, tulu ne hivokikamu, tulu ne mulemai kina tangaloi magemu, a domimiu ne bua.

U taritarisa kwara a leo noi Kraes hinea rau kukwere kina karekarea savia, rana va eno lolo domimiu tigwaravu. Tulu ne huhuhuikamu, tulu ne hahaharakamu kina leo na lolorani savia. Tulu ne kaho a bolo lo Sam, mana bolo na kaluhakiana, mana bolo kokona hinea a Tanungwe Kokona u betekamu kinira. Tulu kaho lakwai God kina lagwaana lolo domimiu. Vataha na kinau tulu ne vai diko tulu ne viti, tulu ne vai lo hina na Hugwe i Jisas. Tigwaravu tulu ne hariki luna kwara tulu ne lagwaki i God i Tamada.

Vunu hivoulu karakara lo kinau vano hi, tulu ne lagwalagwa maikamu, huri a lagwaana u bulutaki na kinau vano hi savira rau katukwale vohoki.

I kamu tulu maraka tina mateana haragoki mai Kraes tulu ahi, vae huri hi tulu vai na domimiu ne tu lo kinau vano hi aulu lolo taetae lo tanotano hinea i Kraes mo hugu lo matuai God.

Tulu tiraki na magemuana hinea i Kraes* mo bete lakwakamu, ne kwiribibi na domimiu, ne tomuakikamu lo hala noi Kraes, huri i God u kwarekamu ba kwara a magemuana hi ne eno lolo domimiu tigwaravu, vae hikani tulu bulu katukwale hoki na tarabehi katukwale. Vae tigwaravu tulu ne lai nomiu lagwaana lakwai God.

Tulu kwohi letiuki na lengalengahuri hati na varamana hi lumiu, hoki na doridori aira hika. A ngwera rau vai a doridori hati mana ravavine, a ravavine rau vai a doridori hati mana ngwera, a tangaloi rau vai a doridori rahe karea tea, a maemaeana luga. A ngwera rau lengai na ravavine haburu, a ravavine rau lengai na ngwera haburu, a tangaloi rau lengai na vaivai hati haburu. Vunu vake rau lengai na kinau vatahae, vae a doridori hi a tangaloi rau lengai na kinau vatahae u taritarisa mana doridori hi a tangaloi rau lai noga mavakiana lakwa na takaro vuroki.

huri i kamu tulu mate ba. Tulu hariki lui Kraes ba, vae a nomiu ahiana i God u tavunikinia haragoki mai Kraes, vae u eno lui God.

Vae hikani tulu tau letiuki na doridori aira vano hi tina mamaurianamiu. Tulu hatu lolo, tulu hatu vai nakara, tulu hatu tavalui vuro mulekikamu. Tulu hatu vaivai leo, tulu hatu hahaviri.

Tulu hatu kurakura mulekikamu, huri tulu tau letiuki na nomiu tokaana tuai mana doridoriki ba, tulu lugwaki na bohiana na tokaana karagwa ba, hoki na lugwamiu hinea rau karagwa. A tokaana karagwa hi, i God aia a gwatakiki, vae u vaia u karagwa tigwaravu kwara ne vaikamu tulu ne mulemai hoki na nununa vohoki tulu ne kikilai God kareaki.

I kamu a ngwera hinea tulu laki ba, tulu lagwa mai ravavinehimiu. Tulu hatu vai taratarakinira.

I kamu a sakwarigi, tulu rongohuri ratamamiu mai raretahimiu tigwaravu, huri i God u lagwa kwehi.

I kamu a ravavine hinea tulu laki ba. Tulu rongohuri ratuamiu ngwarasea tulu hugu tavutiga. U taritarisa kwara tulu ne vai kwehi huri i kamu a tangaloi noi Kraes*.