Versets bíblics populars de Markoo̱ 13

Comparteix

Kó ngayeje xota̱ sa̱ꞌínchꞌójnú ta̱ngatꞌanii̱ jaꞌénna, ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Kó kuíni nga ti̱ndyiondajnú, ngata̱ tsjayojoféjínjnú, kó ndókjo̱a̱jnúu̱ Néná, ngatꞌa̱ yàjínjnú nga kjo̱chó kui ni̱xtjii̱n.

Ta̱nga nga si̱ꞌankꞌasꞌienjnú nínga síndo jáxaá, ngata̱ nda̱jín májnú kjo̱a̱a̱ ni xi ko̱ndókjo̱a̱jnú, ti̱nde ngata̱ niꞌánkjójínjnú, ta̱sá ni xi kꞌuiyájnú nga kꞌuínjnú kui chi̱bo̱a̱a̱, kuí xí ndokjo̱a̱jnú, ngatꞌa̱ jmí tsi jún xi ko̱ndókjo̱a̱jnú, A̱si̱énni̱xtjii̱n Néná boá xi ku̱i̱chji̱a̱.

Ndiꞌakꞌajmii̱ ko̱jo tꞌanangii̱ kjo̱a̱ꞌa, ta̱nga énna kjo̱a̱ꞌatiyàjín.

Ta̱nga kui ni̱xtjin jàn ko̱jo kui chi̱bo̱a̱ jàn, ta̱ꞌyajín xi be, nde ndítsjiee̱ Néná xí síndo ndiꞌakꞌajmi jàn bejín, nde ndií Néná bejín, ta̱ ngototo Na̱ꞌmii̱ xi be.

Ta̱nga kjiꞌanga ko̱nda̱ꞌyájnú nga je kjima kjo̱a̱xchán, ngata̱ ndakonjínmájnú, ngatꞌa̱ ta̱kó bo̱a̱ ka̱ma, ta̱nga kji̱e̱ kjo̱chójín ni̱xtjin nga kju̱i̱e̱ nga̱sondiee̱.

Kuíni nga ti̱ndyiondajnú tsobo̱a̱, ngatꞌa̱ yàjínjnú mí ni̱xtjin nga kjo̱e̱ꞌe ndi̱a̱ xi tsi̱ꞌe̱ ndiꞌaa̱, tsi nga kjimajñoó, ko̱jo tsi nga masien ni̱xtji̱e̱n, ko̱jo tsi nga skja̱ndá xo̱nda̱xi̱ꞌii̱n, ko̱jo tsi nga ndibáꞌásie̱én, tsi bi̱ ma tji̱e̱n kjo̱e̱ꞌe nga kjiꞌájín ndyi̱tsjayojoféjnú. Kó kui ni xi tꞌíxiánjnúꞌun jún, ngayeje xotaa̱ boá xi bo̱a̱ tꞌíxiaán: ¡Ngata̱ tsjayojoféjínjnú!

Ngatꞌa̱ na̱xi̱ńdaá skjánjo̱ xkjín, ko̱jo já ree̱ skjánjo̱ xkjín. Kꞌuié kjindiá, kó kjín ngi̱ndie nínga ka̱ma kjo̱a̱ndi̱ko̱n, ta̱nga nga ka̱ma kui nii̱, sꞌe̱ tsí ku̱i̱ꞌítsꞌi̱yanii̱ xi so xi ndakjaa̱n.

Ngindiee̱ nga kju̱i̱e̱ nga̱sondiee̱, chjiéngá ngayeje na̱xi̱ńdá xí tjín nga̱sondiee̱ kꞌuini̱jmi̱ì éntjatsi̱e̱e̱ Néná.

Ngatꞌa̱ achichí má xota̱ xi kjo̱e̱ꞌe ngajona, nga bi̱ ka̱tso̱: “Án boá xi Kristoo̱”, kó kjín xota̱ xi kꞌo̱ṉcha̱jo.

Ta̱nga ti̱ juún chónjnú yojojnú, ngatꞌa̱ si̱ꞌankꞌasꞌienjnú ngi̱ya tsja jáxaá, kó kjoájnú ki̱a̱ ngi̱ya ndiꞌa nínga ndokjo̱a̱ eén Néná, kó ngindyi̱ko̱n xtitjón ko̱jo ngindyi̱ko̱n ree̱ kongínjo̱jnú ta̱ngatꞌanii̱ an, tsi̱ꞌe̱ nga ko̱ndókjo̱a̱jnú kjo̱a̱a̱ an ngindyi̱ko̱n kui xotaa̱.

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín jáchji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Ta̱nga kui ni̱xtjin jàn, ngije jaꞌa ni̱xtjii̱n kui kjo̱a̱ni̱ma̱a̱, tsꞌueé ka̱majñó, saá ngiti̱ jmí ndiꞌí tsja̱ajín, kó ńñoo ku̱i̱xo̱ngini ndiꞌakꞌajmi jàn, kó kjo̱tsiè ngayeje ngaꞌniú xí tjín ndiꞌakꞌajmi jàn.