Versets bíblics populars de Markoo̱ 12

Comparteix

Sꞌe̱ Kjisoo̱, bi̱ katsoó: –Kjo̱a̱botíxoma xi ꞌniú chjí ngasenii̱ ngayeje kjo̱a̱botíxomaa̱, kuí xi̱ꞌbi̱: “Ndaꞌyájnú jún xota̱ Israee̱l, Ndi̱a̱ná, ta̱ ngo tsí má, kó ti̱ꞌintjé ji Nèe̱, kui xi Ndi̱a̱a̱ ngayeje ini̱màa̱, ngayeje kjo̱a̱mindyiòo̱n, ko̱jo ngayeje takín, ko̱jo ngayeje ngaꞌniúu̱.” Kuí bí xi̱ꞌbi̱ xi ꞌniú chjínií ko̱jo xi kjo̱a̱botíxoma xi tjoón Xi ma joó, ti̱ mején ti̱ bi̱ ti̱ tsó: “Ti̱ꞌintjé ji xotaa̱ xikó má tsꞌén tjoó yojòo̱.” Jmíjín ingo kjo̱a̱botíxoma xi chjí ngasenii̱ xikoó nga jó xi̱ꞌbi̱.

Kó Kjisoo̱ tsíchji̱a̱a̱ xota̱ tsi̱ꞌe̱, kó bi̱ katsoó: –Ja̱koxi̱ ni xi xiánjnúꞌun nga kui xota̱chjo̱on kꞌaán, ndatsi ni̱ma̱, tsie ngase katsjá ta̱bo̱a̱jiín ngayeje xota̱ xi je indyiá to̱nchji̱e̱e̱ ngi̱ya koxa̱a̱, ngatꞌa̱ ngayeje xotaa̱, to̱n xi ꞌbongii̱ boá xi indyiá, ta̱nga kui xota̱chjo̱on, ndatsi ni̱ma̱, indyiá ngayeje to̱n xi skji̱ni̱e̱ ko̱jo xi kꞌuiní nga kꞌuijñá nga̱sondie.

Ngo ni̱xtjin Kjisoo̱ kisꞌijña kje̱n nínga mindyia to̱nchji̱e̱e̱, kó askotsijee̱n xota̱ na̱xi̱ńdaá nga ndyi̱mindyiá to̱nchji̱e̱e̱ ngi̱ya koxa̱a̱. Kó kjín xota̱ cho̱n xi tsie to̱n indyiá. Kjiꞌa má jachó ngo xota̱chjo̱on kꞌán xi je kꞌien xi̱ꞌii̱n xi ni̱ma̱ xi jmí to̱njiín, kó jó ndí to̱n xi chiboa chjií indyiá ngi̱ya koxa̱ to̱nchji̱e̱e̱.

Kó nga tjó ka̱máná Néná ngayeje ini̱ma̱ná, ko̱jo ngayeje kjo̱a̱mindyionná, ko̱jo ngayeje takón, ko̱jo ngayeje ngaꞌniúná, kó nga tjó si̱ꞌán xotaa̱ xikó má tsꞌén tjóná yojoná, chjí ngasenii̱ kui nii̱ ta̱bo̱a̱jiín ngayeje kjo̱a̱tjó xi ꞌbítí ki̱a̱ ṉchandikoón ko̱jo chji̱e̱ xi niꞌánkꞌasꞌiee̱n Néná.

Kó Kjisoo̱, bi̱ katsó: –Ja̱ te̱ꞌéjnúu̱ nda̱ xtitjón xi ꞌmí Sesaa̱ ni xi tsi̱ꞌe̱ nda̱ xtitjoón, kó ni xi tsi̱ꞌe̱ Néná, Néná te̱ꞌéjnúu̱. Kó achichí kijíndikoón kui jaá kjo̱a̱a̱ Kjisoo̱.