Versets bíblics populars de Valooma 7

Comparteix

Tʉnsaanage ʉNgʉlʉve ʉvɨ kʉ nzɨla jya Ntwa viitu ʉYɨɨsʉ Kɨlɨsiti ikʉtʉpoka ʉkʉhʉma kʉ maka ga vʉtulanongwa. Ʉgwʉ ndɨtsovile ago kwʉ kʉta, ʉne jyʉne ndikonga indagɨlo tsa Ngʉlʉve mu kʉsaaga kwango, lɨno ʉvʉmuunu wango wa vʉtulanongwa, vukonga ʉlʉlagɨlo lwa mbiivi.

Ndɨlʉmanyile ʉkʉta mu nʼgati mwane, kwʉ kʉta mu vʉmuunu wango wa vʉtulanongwa, nakɨmuli ɨkɨɨnu ɨkɨnonu ɨkɨveetsaga. Lola, ndinogwa ʉkʉvomba inonu, lɨno wʉ najiiva.

Kwʉ kʉta nandivomba inonu itsʉ ndinogwa ʉkʉvomba, apeene ndivomba tsilya imbiivi itsʉ nandinogwa ndɨtsivombage.

Lɨno, ndɨngave ndivomba tsilya itsʉ nandinogwa, pwʉ jɨlweli ndiiva naneene ndɨ ndivomba imbiivi, apeene wiiva wʉ vʉlya ʉvʉtulanongwa ʉvʉlɨ mu nʼgati mwane.

Pwʉ ndɨkɨweene ɨkɨɨnu ɨkɨ: Ʉnsɨkɨ ndɨnganogwe ʉkʉvomba ɨkɨɨnu ɨkɨnonu, ndikwegwa ndɨvombage ɨkɨɨnu ɨkɨviivi. Indagɨlo tsa Ngʉlʉve ndɨtsiganile kʉ numbula jyango jyoni.

Ɨngave ʉne ndivomba ʉgwʉ nandinogwa, pwʉ jivonia ʉkʉta ndikwɨdɨka ʉkʉta indagɨlo nonu.