Versets bíblics populars de Valooma 6

Comparteix

Lola, ʉmuunu ʉvaveetsaga ʉvɨ mbanda va vʉtulanongwa, ʉlʉhombo lwa mwene wʉ vʉswe wa sikutsooni. Lɨno ʉNgʉlʉve ikʉtʉpa ʉwʉʉmi wa sikutsooni, ikange ʉwʉʉmi ʉwa nalwiva lʉhombo, apeene lwiva lwokelo kʉ nzɨla jya Mesiya ʉYɨɨsʉ, ʉNtwa viitu.

Lola, ʉvʉtulanongwa navʉkavaleme ikange, ʉlwakʉva lɨno namulongotsiwa nʉ vʉtavʉlɨlwa wa ndagɨlo, apeene ʉNgʉlʉve, kʉ lʉhʉngʉ lwa mwene, vɨ ikʉvalongotsa.

Mulʉmanyage ʉkʉta, ʉpwʉ twootsiiwe twɨɨhanziitse nʉ Mesiya ʉYɨɨsʉ, kwʉ kʉta twale ʉngata tʉsue nʉ kʉsɨɨlwa paninie nʉ mwene. Kʉmbele ʉMesiya ʉjwa aatsʉʉsiiwe kʉ wɨɨmɨkiwa ʉvʉlʉti wa Ngʉlʉve, nʉ kʉkongana nɨɨlyo, ʉwe najyʉwe tʉveetsage nʉ lʉgendo ʉlʉpya mu vʉtaamo wiitu.

Mulasivɨɨkaga isipagɨka sya mihana giinyo sive sya kʉvombela ʉvʉtulanongwa. Apeene mwɨhʉmye kwa Ngʉlʉve, manya mulɨ nda vaanu avatsʉʉsiiwe nʉ Ngʉlʉve, nʉ kwingitswa mu wʉʉmi ʉvʉpya. Ikange muhʉmye kwa Ngʉlʉve isipagɨka sya mihana giinyo sivombage imbombo tsa vʉgolosu.

Manya tʉlʉmanyile ʉkʉta ʉvʉmuunu wiitu wa katale waabudilwe paninie nʉ Kɨlɨsiti pa kɨdamingʼanie, pakʉta ʉvʉmuunu wiitu wa katale vʉleke ʉkʉtʉtavala nʉ kʉva vavanda va vʉtulanongwa ikange.

Ʉnyie najyʉnyie mwɨvonage ʉkʉta mwasue paninie nʉ mwene, ʉvʉtulanongwa navʉkaweese ʉkʉvalongotsa ʉnyie ikange. Ikange mwɨvonage lɨno mulɨ vʉʉmi, na mu wʉʉmi wiinyo mukʉmmovosa ʉNgʉlʉve kʉ nzɨla jya kʉmwɨdɨka ʉMesiya ʉYɨɨsʉ.

Lɨno tʉte kɨki? Ndeeti, twongeletse ʉkʉvomba ʉvʉtulanongwa pakʉta ʉNgʉlʉve oongeletse ʉkʉtʉhʉngʉkɨla nʉ kʉtʉsyɨkɨla? Baako! Pa kulongwi jya vʉtulanongwa, ʉwe lɨno tʉvye ʉngata misimba. Pwʉ ʉkʉkongana nɨɨlyo natʉkaweese ʉkʉgendelela ʉkʉvomba ʉvʉtulanongwa.

Jɨlweli mulʉmanyile vʉnonu ʉkʉta mungɨhʉmye kʉ muunu nʉ kʉvomba itsʉ inogwa, pwʉ mukʉmwɨdɨkɨlaga ʉmuunu ʉjwa, ʉnyie mwiva mulɨ vavanda va mwene. Kwʉ kʉta mungakongage amasaago ga mwene amaviivi mwiva vavanda va mbiivi. Pwʉ ɨkihʉmɨla pɨɨlyo wʉ vʉswe. Apeene mungankongage ʉNgʉlʉve mwiva vavanda va mwene, pwʉ ɨkihʉmɨla pɨɨlyo wʉ vʉgolosu.

Wʉ mwale ʉnyie, manya mwale vavanda va vʉtulanongwa. Lɨno ndikʉnsaana ʉNgʉlʉve ʉlwakʉva ʉnyie mwɨdiike imanyiiso tsa Vʉkɨlɨsiti itsʉ mwʉpɨlye, ikange mukʉtsikonga kʉ numbula jyoni. Tʉnsaanage ʉNgʉlʉve, manya avavopwe ʉnyie muleke ʉkʉva vavanda va vʉtulanongwa, avavɨɨkile vavanda va mwene pakʉta mukongage ʉvʉgolosu.