Versets bíblics populars de ROMANOS 3

Comparteix

Tukuy runas juchallikusqanrayku, Diospa janaj pacha k'anchayninmanta t'aqasqas kanku. Diospa khuyakuyninrayku, qhasimanta cheqan runaspaj qhawasqas kanku, Cristo Jesusnejta salvación kasqanrayku.

Diosqa cheqan kayninta rikuchenqa fenejta Jesucristopi, tukuy paypi creejkunapaj. Paykunaqa uj rejlla kanku.

Payta Dios churarqa wañuyninwan allinyachinampaj, fenejta yawarnimpi. Ajinapi pacienciawan cheqa kayninta rikucherqa, pampacharqataj tukuy ñaupaj juchasta. Kay p'unchaykunapi cheqan kayninta rikuchiyta munaspa, pay cheqan kaspa Jesuspi creejta cheqan runapaj qhawanampaj.

Leypa kamachisqasninta ruwasqanrayku, mana pipis Diospa ñaupaqempi salvasqachu kanqa; leynejta juchaqa rejsichikun.

Imaynataj chantari? Noqanchej judiosqa gentilesmanta aswan allinchu kanchej? Chayqa mana jinachu. Ch'ataykunchejñaqa judiosta, griegostapis, paykuna tukuyninku juchapi kasqankuta, escribisqaman jina: Mana ujpis mana juchayojqa kanchu. Entiendejqa mana pipis kanchu; Diosta mask'ajpis manallataj kanchu. Tukuyninku cheqan ñanmanta wist'uykorqanku, ujllapitaj chinkayman rerqanku. Mana pipis allin kajta ruwajqa kanchu, ni ujllapis.

Ajinapi yachanchej fenejta runaqa mana juchayoj rikhurisqanta, manataj leypa ruwanasninraykuchu.

Chayqa mana jinachu; astawampis Diosqa cheqamin, tukuy imata ruwan cheqa kajman jina, tukuy runataj llulla, escribisqa kasqanman jina: Palabrasniynejta cheqan runapaj qhawasqa kanaykipaj; juzgasojtinkutaj atipanaykipaj.