Versets bíblics populars de ROMANOS 2

Comparteix

Ya runa, yuyankichu, chay jinata ruwajkunata tumpashaspa, qampis kikillantataj ruwashaspa, Diospa juicionmanta ayqenaykita? Chayrí, Diospa qhapaj khuyakuynintachu qhesachanki, paciencianta, jatun munakuyninta ima? Mana yachashajtillayki munakuynenqa qanta pusasunki Diosman kutirinaykipaj.

Chayrayku, ya runa, qanqa mana kutichikuyta atinkichu; pipis kay, wajkunata tumpaspaqa, qan kikillaykitaj juchachakushanki. Wajta tumpaspaqa qampis kikillantataj ruwashanki.

Diosqa mana runaj rijch'aynillantachu qhawan, astawanqa tukuyta uj rejta qhawan.

Mana leyta uyarejkunaqa, Diospa ñaupaqempi cheqan runas kanqanku; astawanqa leypa nisqanta ruwajkunalla cheqan runaspaj rejsisqas kanqanku.

Paytaj sapa ujman qoponqa ruwasqanman jina.

Churanakojkunapaj, cheqan kajta mana kasojkunapaj, mana allin kajta ruwajkunapaj ima, phiñakuy, manchay chejninakuytaj kanqa.

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.