Versets bíblics populars de Deutéronome 6

Comparteix

Á nīn néeń ti-Dindaan a-Nimbɔtiu nì a-pɔbil kɔkɔ nì a-naŋki kɔkɔ nì a-pɔŋŋu kɔkɔ.

Á dū-bi kí cóoĺ a-biyaamu. A yaa kā a-dumpuɔɔɔ, a yaa tàkā nsan pu ki còom̄ ki cáaa, a yaa tí dɔ̄ɔɔ, a yaa tí yúɔɔɔ, bí nīn kā a-nyɔkɔn.

Á dū marab bin m tīī-si díǹ nee kí kpāafì a-pɔbilin.

Pīlifìmaan Isirayeel yab, ti-Dindaan di sá ti-Nimbɔtiu, ti-Dindaan sá ubaanti ní.

Á ŋmà-bi kí dūú fìn̄ a-ŋal nì a-yigbeel án nīn sá-si kudaaŋŋu.

Á ŋmà-bi kí nákań a-punyɔmmu pu nì a-tiŋki punuubi pu.

Nín̄ fàŋkímaan ti-Dindaan ni-Nimbɔtiu. Úǹ baba ní ni máaǹ kí jāam̀, ní úǹ baba yindi mun ní ni máaǹ kí pùtī.

Ti-Dindaan ni-Nimbɔtiu làá dāá cáá-ni kí kɔ́ǹ kitiŋ kin ní u nìn pūtì ki pōoǹ ni-naanjab Abraam nì Isaaki nì Jaakɔb yii u làá dūú tīī-nee poon. Kitiŋ gbanti cáá ntimu mun sá ŋkpaamu ki ŋān̄ naa máńee. Kitiŋ gbanti gíti cáá adiin ŋin poon naa síiǹ tiba ama ní tigaajawan kɔkɔ nì ti-bulifi gbée, lɔkɔb bin naa gbìn̄ee, fiinyi nì ɔliifi sufii in naa cóoǹee kɔkɔ bí niin. Ni làá dāá jī ní kí díkí. Ama ní nīn nyíǹ ni-ba kí taa súntí ti-Dindaan un nyántìń-ni Eejipiti tiŋki kin poon ni nìn sá iyumbuee pu.

Marab nì abɔkpaa nì akoobil ŋin ti-Dindaan ni-Nimbɔtiu tīī-mi ḿ dūú dàkà-ni ni yaa láa dūtì Jɔɔdan buŋŋu ki fōō kitiŋ ki kíǹ ki yèe, ní nīn ŋúb́ ki ŋáań kii bi nín bí yii ní ŋá puee dee. Án nín làá ŋá pu ní nimbi nì ni-jipɔmbi nì ni-naantiibi ń dāá fàŋkì ti-Dindaan ni-Nimbɔtiu kí nīn tɔ́ u-bɔkpaaŋi kɔkɔ nì u-marab bin m tīī-ni nee iwiin in kɔkɔ ni cáá kí kàl̄ kitiŋ puee. Míǹ ní ni-maŋfal wiiŋyi làá fɔ̀kɔn̄.

Nimbee, ŋámaan tin kítì ki ŋān̄ ti-Dindaan nimbiinee. Ni yaa ŋá mimmee, ní an bútí-ni ní ní ŋmā kí fōō kitimmɔntii kin u pōoǹ kí tīī ni-naanjabee kí nīn kíǹ ki yì.

Kun puee ti-Dindaan ni-Nimbɔtiu un bí ni-kansikinee sá ipoompoon Nimbɔtiu ní. Ni yaa ŋá mimmee, see ú gíí ni-pu diŋuul kí kpɔ̀ kí céetí-ni kitiŋ pu.

Ní taa tòotī awaa ŋin anibul ŋin māntìi tú-nee tòotēe.

Ní taa cɔ̄ŋkì ti-Dindaan ni-Nimbɔtiu kii ni nín nìn cɔ́ŋkì-u Maasa puee.