Versets bíblics populars de MGA PANULTIHON 12

Ang kabalaka nga anaa sa kasingkasing sa usa ka tawo maoy magpasubo kaniya, apan ang usa ka maayong pulong makapahimo kaniya nga malipayon.

Si bisan kinsa nga nahigugma sa pagpanton, nahigugma sa kahibalo, apan siya nga nagdumot sa pagbadlong hungog.

Adunay tawo nga ang mga hinanali nga pulong sama sa pagduslak sa usa ka espada, apan ang dila sa maalamon magdala ug kaayohan.

Ang dalan sa usa ka buangbuang matarong sa iyang kaugalingong mga mata, apan ang maalamon nga tawo mamati ug tambag.

Ang kasuko sa usa ka buangbuang mahibaloan dayon, apan ang usa ka maalamong tawo dili manumbaling sa pagpakaulaw kaniya.

Ang maayo nga asawa purongpurong sa iyang bana, apan ang nagdala ug kaulawan sama sa pagkadunot sa iyang mga bukog.

Ang bakakon nga mga ngabil dulumtanan alang sa GINOO, apan kadtong nagbuhat nga matinumanon maoy iyang kalipay.

Ang matarong nga tawo molikay sa daotan, apan ang dalan sa daotan nagpahisalaag kanila.

Ang ngabil nga matinud-anon molahutay hangtod sa kahangtoran, apan ang usa ka bakakon nga dila molungtad sa makadiyot lamang.