Versets bíblics populars de MGA PANULTIHON 11

Ang tawo nga manggihatagon magmauswagon, ug ang nagbisibis bisibisan usab.

Adunay naghatag nga walay pugongpugong apan midugang pa hinuon ang kaadunahan; adunay nagpugong sa iyang ihatag, ug nag-antos lamang hinuon sa kawalad-on.

Kon moabot ang garbo, modangat ang kaulawan; apan sa mapaubsanon kaalam.

Diin walay paggiya, ang katawhan mangapukan; apan diha sa kadaghan sa mga magtatambag adunay kasigurohan.

Ang bunga sa matarong maoy usa ka kahoy sa kinabuhi, ug ang maalamon makadani ug mga tawo.

Siya nga nagsuroysuroy sa pagpanabi nagbutyag sa mga tinago, apan siya nga kasaligan diha sa espiritu nag-amping sa butang nga tinago.

Ang tawo nga maluluy-on nagbuhat ug maayo sa iyang kaugalingon, apan ang bangis nga tawo nagpasakit sa iyang kaugalingon.

Ang nagsalig sa iyang mga bahandi mapukan, apan ang matarong magmauswagon sama sa lunhaw nga dahon.

Ang kadato dili magpulos sa adlaw sa kaligutgot, apan ang pagkamatarong magpalingkawas gikan sa kamatayon.

Ang kaligdong sa matarong maggiya kanila, apan ang pagkabaliko sa maluibon maglaglag kanila.

Sama sa usa ka singsing nga bulawan diha sa simod sa baboy ang usa ka maanyag nga babaye nga walay kabuot.

Ang dili husto nga timbangan dulumtanan sa GINOO, apan ang husto nga timbang maoy iyang kalipay.