Versets bíblics populars de ISAIAS 65

Sa dili pa sila magsangpit, ako motubag na, samtang nagsulti pa sila, ako mamati.

“Kay tan-awa, ako naghimo ug bag-ong kalangitan ug usa ka bag-ong yuta; ug ang unang mga butang dili na hinumdoman, o moabot pa sa hunahuna.

Sila dili maghago nga walay kapuslanan, o manganak alang sa katalagman; kay sila mao ang kaliwat sa gipanalanginan sa GINOO, ug ang ilang mga anak uban kanila.

Sila dili magtukod, ug lain ang magpuyo; sila dili magtanom, ug lain ang magkaon; kay sama sa mga adlaw sa usa ka kahoy mao usab ang mga adlaw sa akong katawhan, ug ang akong mga pinili magpahimulos pag-ayo sa buhat sa ilang mga kamot.

Wala na unyay bata diha niini nga mabuhi sa pila lamang ka adlaw, o usa ka tigulang nga dili mabuhong sa iyang mga adlaw, kay ang bata mamatay nga usa ka gatos ang panuigon, ug ang makasasala nga usa ka gatos ka tuig tunglohon.

Ang lobo ug ang nating karnero magsalo sa pagsibsib, ug ang liyon mokaon sa dagami sama sa torong baka ug ang abog mahimong kan-onon sa bitin. Sila dili magdaot o maglaglag diha sa tibuok nakong bukid nga balaan, nag-ingon ang GINOO.”

Ako magmaya diha sa Jerusalem, ug maglipay diha sa akong katawhan; ug diha niini wala nay madunggan nga tingog sa paghilak ug hilak sa kaguol.