Versets bíblics populars de ISAIAS 26

Ikaw nagbantay kaniya diha sa hingpit nga pakigdait, nga ang hunahuna nagpabilin diha kanimo, tungod kay siya nagsalig kanimo.

Saligi ang GINOO hangtod sa kahangtoran, kay ang Ginoong DIOS mao ang bato nga walay kataposan.

Ang akong kalag nangandoy kanimo diha sa kagabhion, ang akong espiritu sa sulod nako matinud-anon nga nangita kanimo. Kay sa diha nga ang imong mga paghukom anaa na sa yuta, ang mga nagpuyo sa kalibotan makakat-on sa pagkamatarong.

O GINOO, ikaw nagtudlo ug pakigdait alang kanamo, ikaw usab ang nagbuhat alang kanamo sa tanan namong mga buluhaton.

Diha sa dalan sa imong mga paghukom, O GINOO, kami naghulat kanimo; ang imong ngalan nga halandomon mao ang tinguha sa among kalag.

Ang dalan sa matarong patag; ikaw nga matarong, naghapsay sa agianan sa matarong.

Kay iyang gipaubos ang mga nagpuyo sa itaas, ang siyudad nga habog. Iya kining gipukan, iya kining gipukan ngadto sa yuta, gilumpag kini ngadto sa abog.

Buksi ang mga ganghaan aron ang matarong nga nasod nga adunay pagtuo makasulod.