Versets bíblics populars de ISAIAS 25

O GINOO, ikaw mao ang akong Dios; pasidunggan ko ikaw, dayegon nako ang imong ngalan; kay naghimo ikaw ug mga butang nga katingalahan, mga laraw sa dugay na nga panahon, kasaligan ug matuod.

iyang lamyon ang kamatayon hangtod sa kahangtoran. Ang Ginoong DIOS magpahid sa mga luha gikan sa tanang mga nawong ug ang kaulaw sa iyang katawhan kuhaon niya gikan sa tibuok nga yuta, kay ang GINOO nagsulti niini.

Isulti unya kini nianang adlawa, “Tan-awa, kini mao ang atong Dios; kita naghulat kaniya aron siya magluwas kanato. Kini mao ang GINOO, kita naghulat kaniya; magmaya kita ug maglipay diha sa iyang pagluwas.”

Ug iyang gub-on niining bukira ang tabon nga gilabay ibabaw sa tanan nga mga katawhan, ang pandong nga gibukhad ibabaw sa tanan nga mga nasod

Niining bukira ang GINOO sa mga panon maghimo alang sa tanang mga katawhan ug usa ka kasaulogan sa tambok nga mga butang, usa ka kasaulogan sa mga maayong bino, sa mga butang nga tambok nga puno sa uyok, sa maayong bino nga pinalugdang nga maayong pagkasala.