Versets bíblics populars de Mariko 6

Comparteix

Aka owaco rijo ni, “Biye wakidhi win kamoro kakendi wan wiywomere ye mathin.” Ato ji kweth oyido jobino aka joman jokadho m'oyido jomono kiri jomoor cemo.

Yesu owaco rijo ni, “Jatuci wac Were kicay kaman, kwanyo woko i piny pere won, kodi bongi wade pere won kodi bongi jothugin wegi.”

Munyo Yesu otundo loka, oneno lwak ji to mako wor gi jo, kwoŋbedo oyido jocale rombo ma bu jakwath, am'omiyo ocako fonjo jo gigipiny m'omore.

Yesu k'onyalo timo kenyo gir'aura madwoŋ, kada nende obotho nyaka jotwo moro manok munyo ketho cinge kwoŋ jo. Yesu ouro swa paka jono jongoye gi yeyo.

Gikenyo Yesu okwanyo mugat abic gi rec ario no, oŋiyo polo, to foyo Were, oturo mugat to miyo jofonjirok pere poko ji. Opok ji je, rec ario no bende. Dhano je ocemo to yeŋ. Gikenyo jofonjirok jocoko ŋinjeŋinje mugat gi rec m'odoŋ poŋ aditin apar g'ario.