Versets bíblics populars de Ibrani 10

Comparteix

Fara deka fyaroa tenabira ra tali tamata ovi rorang Ia rira sidovung ra, wean lahir tamata boku baꞌi rotu. Naꞌuk ivaꞌudida ma tsisurak ovu tsilobang ita, tevek tkaꞌa roak ne, wol mnanat, na Duilaꞌa veka nma ewal.

Ita musti tsifangnanang ita, boma bisma tsifangrebat raladida ra ma isa nlobang isa, ovu vali totu afa ovi lolin ra.

Dida dardirin a musti nangrebat naꞌa dida inorang a verin Yesus. Ita tfakloꞌi aꞌuk dida vavaꞌat ra verin Ia, tevek not-orang lalawatan afa ovi nfalak ra, ovu wol nablufang Ni tnorung a verin ita.

Mia musti mtyahang nal ralabira naꞌa bira inorang a, boma wean i myotu lalawatan afa ovi Ubu ralan nfalak a, na bira munuk afa ovi Ubu ntorung roak ma nala verin mia.

Ba wean inyai, na mya ma tfaseri Ubu ovu raladida urun, ovu torang urun Ia. Tevek Yesus nfamerat roak raladida ra ovu laran a, boma wol tvua roak afa sian naꞌa raladida ilaꞌa ra. Ia nfamerat roak tenadida ra ovu wear i nmerat urun a.

Ba wean inyai, na deka mifla talik bira inorang a, tevek wean i bira dardirin nangrebat urun naꞌa bira inorang a, na Ubu veka naval ma dawan mia.

Wean i trenar roak Ubu Ni ivar mngaꞌun a, naꞌuk wol tkamlabir ivar yai ma kaꞌi totu watan salasilan, na wol korban liak roak ma Ubu naꞌi vatuk dida salasilan ra. Ba wean i totu salasilan wean inyai, na musti tbobar urun ovu tnaban watan ma Ubu veka nukun lokat tamata ovu yafu i ongan a dawan urun a. Yafu yai veka narang tamata ovi rangal Ia.