Versets bíblics populars de Mattaios 6

Comparteix

Koroka iyotta hoshiki no Shinuma moshiri hemhem, Shinuma oupeka-i hemhem hunara yan: yakun, tapan okaibe obitta echi akore kusu ne.

Tambe gusu, nishatta gusu iteki nishomap yan: nishatta anak ne yaikota gusu nishomap kusu ne. Toho korʼewenbe anak nei toho gusu pakno ne ruwe ne na.

Tambe gusu, echi otta ku ye, echi ishu gusu hemanda echi e, hemanda echi ku, samata, netobake gusu hemanda echi rai, ari an ambe gusu iteki nishomap yan. Inotu anak ne aep kasu no pase ambe shomo ne ruwe he an? Netobake anak ne amip kasu no pase ambe shomo ne ya?

Koroka, eani anak ne inonno-itak ki chiki, koro tumbu ta ahun, orowa, apa-ushta ashi chiki nuina no e koro Michi otta inonno-itak ki yan, yakun nuina otta nukara e koro Michi anak pummaha e kore kusu ne na.

Tambe gusu, tap korachi inonno-itak ki yan: Kando otta an chikoro Michi, E kon reihei orota aeoripak kuni ne ki wa un kore. E koro moshiri ekte wa un kore. E korʼirenga kando otta an korachi, moshirʼotta ne yakka une no aki kuni ne ki wa un kore.

Kesto kesto chi e kunip tanto ne yakka un kore.

Chi utara; anak ne chikoro ashosere utara tusare okere korachi, chikoro shosep ne yakka tusare wa un kore.

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Inambe gusu ne yakun, moshima guru koro katpak echi tusare yakun, kando otta an echi koro michi ne yakka echi tusare kusu ne.

Rik peka oman chikap ingara yan, nei okaibe toita shomoki, nanke ka shomoki, pu otta eumashnu ka shomoki, yakka kando otta an echi koro Michihi anak ne nei okaibe ibere ruwe ne. Echi utara nei chikap akkari pase ambe shomo ne ruwe he an?

Shish newa shikopopbe gusu aisamka, ikka guru opattekka wa ikka tan moshirʼotta iteki ikoro eumashnu yan: koroka, shish ne yakka shikopopbe ne yakka isamka shomoki, ikka guru opattekka wa ikka shomoki kando otta ikoro eumashnu yan: inambe gusu ne yakun, echi ikoro an ushiketa echi keutum ne yakka an kusu ne gusu ne na.

Tu sapane guru orota yaishieiwangere eashkai guru isam: inambe gusu ne yakun, shinen kowen, shinen omap; shinen kopuri pirika, shinen kopuri wen nangoro; Echi okai utara Kamui newa ikoro newa tup ne kane orota yaishieiwangere eaikap ruwe ne.

Koroka, Kamui anak ne tan to nup otta okai wa, nishatta auhuika mun nei no tomte no kan ruwe ne chiki nei akkari echi okai utara okai gusu shomoki ya?

Koroka, eungeraitep echi kore chiki, nei akorep nuina no an kuni ne, shimon tek ani echi kip anak ne hariki tek otta iteki nukare yan; yakun, nuina otta nukara echi koro michi anak ne pummaha echi kore kusu ne.

Anukara kuni gusu moshima guru tek samata echi oupekap iteki kara yan, anukara kuni gusu oupekap echi ki yakun, kando otta an echi koro michi anak ne pummaha shomo kore ruwe ne.

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne. Koroka, eani anak ne shomo ramnu ki ita sapaha karakara nanuhu furaye yan; aokai shomo ramnu ki sekoro moshima guru otta nukara shomoki no nuina wa, an e koro Michi orowa no anukara kuni gusu tambe nei no ki yan; yakun, nuina otta ingara e koro Michihi anak ne pummaha echi koropare kusu ne na.