Versets bíblics populars de Mattaios 5

Comparteix

Naa samata, ratchako uhuika wa chomba choropoketa ande guru ka isam, set kashiketa nei ambe ande, yakun, chisei ta obitta no okai utara otta nupeki at ruwe ne. Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.

Echi utara anak ne moshiri pekere echi ne, nupuri kashiketa an machiya anak ne anuina eaikap ruwe ne.

Keutum turu-sak utara anak ne anunuke ne; nei utara Kamui nukan ruwe ne kusu ne gusu ne na.

Ibe rusui iku rusui korachi oupekap kon rusui utara anak ne anunuke ne; nei utara akironnure ruwe ne kusu ne gusu ne na.

koroka, echi otta Ku ye, echi epokba utara omap yan, echi keshke utara rengap gusu inonno itak ki yan

Ramat gusu otek-sak utara anak ne anunuke ne; kando moshiri nei utara korope ne gusu ne na.

Itomo ashte utara anak ne anunuke ne; nei utara Kamui Poho utara ne ani areikore ruwe ne kusu ne gusu ne na.

Yaituwashkarap utara anak ne anunuke ne; nei utara aomaoma ruwe ne kusu ne gusu ne na.

Oupeka-ambe gusu aepokba utara anak ne anunuke ne: kando moshiri nei utara korope ne ruwe ne kusu ne gusu ne na.

Erampokiwen wa kore utara anak ne anunuke ne; nei utara aerampokiwen wa akore ruwe ne kusu ne gusu ne na.

Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne. Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.

Ramu-rotcha utara anak ne anunuke ne; nei utara moshiri eikeshkoro ruwe ne kusu ne gusu ne na.

Echi okai utara anak ne toitoi shippo ne ruwe ne: koroka, shippo anak ne koro mawehe turainu chiki hemanda ani tu shui nei mawehe aomare ruwe he an? nei no an shippo aeiwange ushike ka isam, soita aosura wa ainu orowa no aotereke kuni patek an raka an ruwe ne.

Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.

Koroka, ruwe un anak ne ruwe un ani ye, shomo anak ne shomo ani ye, tapan itak kama itak ambe anak ne wenbe orowa no an ambe ne.

Orowa, shiki gusu shikihi, nimaki gusu nimakihi sekorʼan deeda itak echi nu okere, koroka, echi otta Ku ye, iteki wenbe eumontashpa yan, koroka, nen ne yakka echi shimon notakam kokik guru an chiki moshima an notakam ne yakka akik kuni ne kohosari yan.

Orowa, e shimon shikihi e epetchiure chiki, oashinge wa osura yan: kon netobake ebitta Gehenna otta aeyapkire kasu no netobake koro shine awehe aisamka ambe anak eani gusu naa pirika ruwe ne kusu ne gusu ne na. E shimon tekehe epetchiure chiki, otuye wa osura yan: netobake ebitta Gehenna otta aeyapkire shomoki no koro shine awehe aisamka-i anak, eani gusu pirika ruwe ne kusu ne gusu ne na.