Versets bíblics populars de ROOM DIMA 15

Comparteix

Naawunni siri su tama yɛla, ka n susiri u, ni, u kyɛ ka sufumaasim ni sufudoaa ti paali ya sufu, yan niŋni yɛdda maa zugu. Ka Sii Kasi la yiiko nin kyɛ ka ya mari tama pam halli nti yakki.

Dama an daa pun sɔbi maa zaa daa sɔbi la ni di wulisi tirima, ni lala zugu ti kyɛ ka ti diri sugru, ka nya kpamsima Litaafi maa ziiya zugu nti mari tama.

Dama Naawunni siri su sugru ni kpamsigu yɛla, ka u nin kyɛ ka ya dɔli Yisa Kirisita ka kpalim m‑mari nangbanyinni ni taaba. Ka ya nin la'am n‑zaŋŋi nangbanyinni m‑pɛ'ai Naawunni ŋɔn nyɛ ti Dugma Yisa Kirisita Ba la.

Dinzugu ya deaama taaba hoo Kirisita ŋɔn pun deaai ya seem la, Naawunni pɛ'abu zugu.

Sɔkam niŋma din nin kyɛ ka u taraana sufu maai ka u tumni tunsuma, ka kyɛnni tooni Naawunni saani.