Versets bíblics populars de ROOM DIMA 14

Comparteix

Dama Naawunni naam maa pa la diibu, ni nyuubu; amaa naam maa nyɛ la yɛlimaŋni, ni sufudoaa, ni nya'asim piiniseaa Naawunni Sii maa ŋɔn tisira. Ka sɔ yi dɔli la soori wa n‑gyeemni Kirisita, Naawunni nini tigi di daama, ka u yuuri du ninsaalidima saani.

Ti yi bɛ ni, ti Dugma zugu ka ti bɛ ni; ti mun yi kpi, ti kpi la ti Dugma zugu. Dinzugu ti yi bɛ ni, bee, ti kpi ni, ti Dugma n su ti yɛla zaa.

Lala zugu, ya kyɛ ka ti gɔsiri la bunseesi an nin mari sufudoaa ka kyɛ ka ti suŋŋni taaba ka kyɛnni tooni.

Dinzugu ti di laa n‑galimni taaba, amaa ya kyɛ ka ti gɔsi tin nin niŋi seem ka ti mabiisi di burigi, bee, n‑lu tumbeeri ni.

Dama di sɔbi n‑dooli, ni#:- “ ‘Mani m bɛ ni, ’ - Lala ka ti Dugma yɛli - ‘Ka m pɔ la noori di zugu, ni, Sɔkam zaa nin gbaani n tooni, Sɔkam zaa nin baŋŋi ka sakki, ni, Mani n nyɛ Naawunni.’ ” Dizugu ti sɔkam zaa nin tɔ'asi u toori beebu yɛttɔ'a n‑ti Naawunni.

Ninvugsɔ yi bɛ ni ka u yɛdda bu kpeem Naawunni dɔligu ni, yan deaam u ya saani, amaa yan di ŋmɛ u nangbankpeemni zaŋŋi n‑kyaŋŋi u kyisigu yɛla.

I nyɛ la ŋɔni n‑katti sɔ daabri sariya? Di ti nyɛ la ŋɔn su u maa n nin baŋŋi u nyaŋŋiya, bee, u luya. Halli u nin nyaŋŋi n‑zɛ yummu, dama u dugma nin toaai n‑kyɛ ka u nyaŋŋi.