Versets bíblics populars de FILIPAAI DIMA 1

Comparteix

Dama n niŋi yɛdda, ni, Naawunni ŋɔn pun piili tunsunseesi ya saani la, u nin kyɛ ka a na kyɛnni tooni lala halli ni a naari, Kirisita Masiiya Dabsiri daari saha.

Ka man susiri Naawunni seem maa nŋɔa: ni, u kur kyɛ ka ya na maali n‑wuri sɔkam pam, ka di dɔli la ya yɛm ni ya sufu ni bamsim an zoaai seem maa. Lala nin kyɛ ka ya nin toaai m‑baŋŋi din tu, halli nti paai Kirisita Dabsiri daari la; ka lala saha ya nin ti zaani, galinsɛseelli ka ni.

Man saani, n yi ti bɛ n nyɔvuri ni, Kirisita nla: man mun yi ti kpi, anfaani n nyɛ di n‑ti ma.

N pɛ'ari la m Ba Naawunni saha kam zaa, n yi ti teaari ya yɛla sahanseaa maa.

Yɛttɔ'a seelikam zaa yɔri, ya na kpalimma m‑bɛ beesisuŋŋu din sumsi Kirisita lahabasuŋŋu niriba la. Di yi bɛ lala, man yi kyɛ ya saani na n‑nya yan bɛ seem, bee, n na bɛ wa'aligu ka kur wumni ya damni, di zaa nyɛ la yimmu. Dama n nin baŋŋi, ni, ya la'amni m‑bari n‑zaani Sii maa nangbanyinni ni, n‑tumni lahabasuŋŋu yɛdda tuma ni nimbirimoaa.

Ii! - m mari la tama ka bu birisira, ni, n bu ya di vi seelikam zaa puuni. Ni, n nin mari dablim n‑tɔ'asi yɛligu maa paalu ni pampaŋŋɔa, hoo man daa pun tɔ'asi ka sahakam. Ka lala nin kyɛ ka Kirisita yuuri du n yɛla zugu, di yi ti nyɛ la man na bɛ ni maa zugu, bee, man ka ni la gba zugu.

Ya deaari la piini Kirisita yuuri zugu: di pa la yan niŋi u yɛdda seem la kɔkɔa, amaa halli yan di wahala u zugu gba n nyɛ piinisuŋŋu n‑ti ya.