Versets bíblics populars de GALƐSEAA DIMA 5

Comparteix

Amaa Siiya Kasi beebu ni bɛ la hoo tiseaa kan wanni walisuma: wurilim, ni sufupeelim, ni sufudoaa n‑nyɛ a, m‑paasi sugru, ni nirilim, ni tunsuma tumpu, ni yɛdda niŋbu. Niriba sigsiri ba mansi, ka mari ba mansi suŋŋa. Zaalisɛseaa ka ni n‑galimni yɛla wa taataabu.

Man ŋɔn yɛtti seem nŋɔa#:- ya kyɛ ka Sii Kasi maa wulisiri ya ya beebu zaa soori, ka ya ku tum la ninsaala kɔribeeri boorimma tuma.

Siiya Vuusim Kasi maa tiri ti la nyɔvuri; see ka u laa n‑su ti nyɔvuya maa sɔya zaa gba.

Ka ban kam zaa nyɛ la Kirisita Yisa dina pun zaŋŋi ninsaatiri teesa n‑kpaasi n‑tabli dɔpulli zugu n‑ku - ana ni kɔribeeri boorimma zaa.

Ninsaala kɔrisi tuma ŋɔn bɛ seem kur yi paalu ni. Zina da'ari tuma n nyɛ a, ni kyɔ'ansi beebu, ni ban bu mari ba mansi suŋŋa tuma zaa: m‑paasi buga gyeeŋŋu, ni soo, ni tiima tuma. Niriba leebri la dindaandima ka zabri taaba; ba zabri zinyuu, ka kyɛ ka ba suuri yisigra, ka mari tumbeeri teesa ni ba ti duusi ba mansi. Ba laa m‑boori wɔliginsim. Halli ba zabri nyuuri; ka laa n‑nyuuri daam m‑bugra; ka tumni tunkyɔ'ama, ni tumbeeri wa taabu baligu kam zaa. N yɛtti ya ni, kaman man daa pun daŋŋi n‑yɛli ya seem la: ni, ban kam zaa bɛ anŋɔ taataabu beesigu maa ni ku ti di Naawunni naam faari.

M mabiisi, yarima ŋɔna - ba daa booli ya yɔlisimma zii na, ka mugsigu zaa ka ya saani. Amaa yan di kyɛ ka mugsigu kaalinsi din bɛ ya saani wa leebi soori n‑ti ya, ka ningbina ni kɔribeeri ti deaai ya beebu zaasa. Amaa ya lee n‑kyɛ ka di nyɛ la wurilim zugu ka ya tumni n‑tiri taaba.

Dama ninsaala kɔribeeri ŋɔn za'asiri bunseela ka Siiya Kasi boora, ka Siiya Kasi mun ŋɔn bu boori bunseelli la ka kɔrisi gba boora. Sɔya ayi wa mari taaba dimni, ka dinŋɔ wulisiya, ni, ya ku toaai n‑niŋi yan boori seem.

Dama fukumsi zaaligudima maa la'am n‑niŋi zaalikpanni yinni, ni#:- “Wuri i taraana hoo nyin wuri i mammaŋŋa seem la.”

Faasee ka ti kyɛ ti karimbaani m‑basi; ka ti di laa n‑yisigri taaba sufu, n‑zabri nyuuri ni taaba m‑paasi.

Yɔlisimma nyɛ la ti dinni, Kirisita Masiiya ŋɔn daa yɔlisi ti ni! Dinzugu ya zaanma kaman birikyindima ban su ba mansi, ka di laa n‑zaŋŋi ya mansi n‑leebi daaba yaasa.