Versets bíblics populars de GALƐSEAA DIMA 4

Comparteix

Dinŋɔ n wulisi, ni, ya siri nyɛ la u biisi, ni, Naawunni daa tum u Biiya Sii Kasi na n‑kpeesi ti sufu ni. Ŋɔna n nyɛ Sisɔ ŋɔn kaasiri m‑boonna, ni, “ Abba! ”, bee ‘M Ba, m Ba!’ Ka dinzugu pampaŋŋɔ i laa m‑pa la u daabri amaa u biiya. Ka nyin ŋɔn nyɛ u bii maa zugu, Naawunni nin zaŋŋi ŋɔn mari bunseela ni u tisi u biisi la n‑ti i.

Amaa nimbirimoaa saha ŋɔn daa ti paai, Naawunni daa tum la u Bii na. U daa kyɛ na kaman ninsaala ka u ma daa dɔ'ai u ni u ti bɛ Yɛhudiyadima zaalikpana la suulinsi ni. U daa niŋi lala ni u ti suŋŋi ban daa bɛ zaalikpana maa suulinsi puuni la, ni di kyɛ ka tirima ti leebi Naawunni biisi.

Amaa pampaŋŋɔ, yan yipa baŋŋi Naawunni wa - bee, ŋɔn Naawunni ŋɔn baŋŋi ya yɛla maa - ka di kyaŋŋi la wula ka ya laa m‑boori ya maali n‑leebi daaba? Ammi, ya yɛ laa n‑labi duniya fukumsi siisi wa saani? - siseeba an ka kpeeŋŋu wa, bumbugsa wa, fa! Bumbɔ n taasi ka ya laa m‑boori lala?