Versets bíblics populars de Noo Mian 2

Comparteix

As goll stiagh ’sy thie, hooar ad y liahunoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Nish tra rug Yeesey ayns Bethlehem dy Yudea, rish lhing ree Herod, cur‐my‐ner haink deiney‐creeney veih’n shiar gys Jerusalem, Gra, Cre vel ree ny Hewnyn t’er jeet er y theihll? son honnick shin y rollage echey ayns y shiar, as ta shin er jeet dy chur ooashley da.

Tra honnick ad y rollage, va boggey erskyn‐towse orroo.

As myr va Jee er chur raaue daue ayns ashlish, gyn ad dy hyndaa gys Herod, ghow ad raad elley gys nyn jeer hene. As tra v’ad er n’immeeaght, cur‐my‐ner haink ainle y Chiarn gys Joseph ayns ashlish, gra Trog ort, gow yn lhiannoo as e voir, cosne royd gys Egypt, as fuirree ayns shen derrey ver‐yms fys hood: son shirree Herod y lhiannoo dy stroie eh.