Versets bíblics populars de لوکا 3

Comparteix

سجّهێنان که پاکشۆدی کرت، ایسّایا هم پاکشۆدی کرت. وهدے ایسّا دْوا کنگا اَت، هما وهدا آسمانئے دپ پَچ بوت و پاکێن روه کپۆتێئے دْرۆشما آییئے سرا اێر آتک. چه آسمانا تئوارے آتک: ”تئو منی دۆستیگێن بَچّ ائے، من چه تئو سکّ وشّ و رَزا آن.“

بله یَهیایا آ سجّهێنانی پَسّئوا گوَشت: ”من شمارا تهنا گۆن آپا پاکشۆدیَ دئیان، بله یکّ اَنچێن کَسے آیگی اِنت که آ چه من زۆرمندتر اِنت و من آییئے کئوشبندانی بۆجگئے لاهک هم نه‌آن. آ شمارا گۆن پاکێن روه و آسا پاکشۆدیَ دنت.

اَنچێن کار بکنێت که چه آیان زاهر ببیت که شما تئوبه کرتگ. وتی دلا اے هئیالا هم مئیارێت که اِبراهێم مئے پِت اِنت. من شمارا گوَشان که هُدا چه اے سِنگان هم په اِبراهێما چُکّ و ائولاد پێدا کرتَ کنت.

نون تَپَر تئیار اِنت که درچکان چه بُنا بگُڈّیت و هر درچکے که شَرّێن بَرَ نئیاریت، گُڈّگ و آسا دئور دئیگَ بیت.“

اَنچۆ که اِشئیا نبیئے کتابا نبشته اِنت: گیابانا کَسے گْوانکَ جنت: ”هُداوندئے راها تئیار بکنێت و هُداوندئے کِشکان راست و تچک بکنێت. سجّهێن دَرَگ پُرّ کنگَ بنت و سجّهێن کۆه و جُمپ جَهل آرگَ بنت. چپّ و چۆٹێن راه تچک کنگَ بنت و سجّهێن سرکپ و اێرکپ هموار و هملَسون کنگَ بنت. جهانئے سجّهێن مردم هُدائے داتگێن نجاتا گندنت.“