Versets bíblics populars de Okuruga 9

Comparteix

kwonka buzima, eki nkurekyeireho n'okukworeka amaani gangye, ngu eiziina ryangye ribone kugambwa omu nsi zoona.

MUKAMA yaagambira Musa ati: Za owa Faraho, omugire oti: Oku nikwo MUKAMA Ruhanga w'Abaheburaayo arikugamba naagira ati: Reka abangu bangye bagyende, bampeereze.

Ahabw'okuba hati nkaabangire omukono gwangye, nkuteeza orufu n'abantu baawe, ohwerekyerera, oruga omu nsi

reeba omukono gwa MUKAMA gwaza kureeta omubyamo mubi ogw'amaani aha matungo gaawe ag'omu mariisizo, aha mbaraasi n'endogoya n'engamira n'aha masyo g'ente n'ag'entaama. MUKAMA naija kworeka omutaano ahagati y'amatungo g'Abaisraeli n'ag'Abanyamisri; aha matungo g'Abaisraeli goona tiharifaho na rimwe.

Reeba, nyencakare nk'aga magingo niinyija kugwisa orubaare rwingi munonga, orutakagwaga muri Misri okwiha obu ensi egyo yaabaho n'okuhitsya hati. N'ahabw'ekyo otume bataasye amatungo gaawe n'ebi oine omu ishwa byona; ahakuba omuntu weena n'eitungo ryona ekiraashangwe omu ishwa, kitakataahire, nikiija kuteerwa orubaare, kife.

niriija kuhinduka omucuucu, gubugye ensi yoona eya Misri, gurwaze abantu n'enyamaishwa ebizimba birugyemu ebironda omu nsi yoona eya Misri. Baatwara eiju ry'omu tanuuru, baayemerera omu maisho ga Faraho; Musa yaarimiisha ahaiguru, rya rwaza abantu n'enyamaishwa ebizimba ebirikurugamu ebironda.