Versets bíblics populars de Okuruga 10

Comparteix

MUKAMA yaagambira Musa ati: Za owa Faraho; ahakuba ngangaize omutima gwe n'emitima y'abaheereza be, ngu mbone kworeka obumanyiso bwangye obu ahagati yaabo, kandi ngu naiwe obone kubiteekyerereza omwana waawe na mwijukuru waawe, bahurire ebi naakozire omuri Misri, n'obumanyiso obu naakoreire omuribo; mumanye ku ndi MUKAMA.

MUKAMA yaagambira Musa ati: Imutsya omukono gwawe, ogworekye eiguru, ensi ya Misri eshwekwe omwirima, omwirima ogubambire ndindindi. Musa yaimutsya omukono gwe, yaagworeka omu iguru, haabaho omwirima ndindindi omu nsi yoona eya Misri okumara ebiro bishatu; baamara ebiro bishatu batarikureebana, n'obu yaakuba omuntu okuruga ah'ari; kwonka omu maka g'Abaisraeli boona baaguma nibahweza.

Musa yaabanga enkoni aha nsi ya Misri, MUKAMA yaareeta omuyaga ogurikuruga oburugwa-izooba, gwahuuha ensi eryo izooba ryona n'ekyo kiro kyona; ku bwaseesire, omuyaga ogwo gwareeta enzigye. Enzigye zaabuga ensi yoona eya Misri, zaagwa omu byanga byayo byona; zikaba ziri enzigye nyingi munonga ez'eihano, ezitakabahoga okwiha ira, kandi ezitaribaho bundi.