Versets bíblics populars de Ebikolwa by'Abatume 1

Comparteix

Naye mulifuna amaanyi, Omwoyo Omutukuvu bw'alimala okujja ku mmwe, nammwe munaabanga bajulirwa bange mu Yerusaalemi ne mu Buyudaaya bwonna ne mu Samaliya, n'okutuusa ku nkomerero y'ensi.”

N'abagamba nti, “ Si kwammwe okumanya entuuko newakubadde ebiro, Kitaffe bye yateeka mu buyinza bwe ye.

Awo bwe yakuŋŋaana nabo n'abalagira baleme okuva mu Yerusaalemi, naye balindirire okusuubiza kwa Kitaawe kwe baawulira okuva gy'ali: “ kubanga Yokaana yabatiza n'amazzi; naye mmwe mulibatizibwa n'Omwoyo Omutukuvu mu nnaku si nnyingi.”

Bwe yamala okubonyaabonyezebwa ne yeeraga mu bo nga mulamu, mu bubonero bungi, ng'abalabikira mu bbanga ery'ennaku ana (40), ng'ayogera nabo eby'obwakabaka bwa Katonda.

Bwe yamala okwogera ebyo, nga batunula n'asitulibwa, ekire ne kimutoola okumuggya mu maaso gaabwe.

Bwe baali beekaliriza amaaso mu ggulu bw'agenda, laba, abantu babiri ne bayimirira kumpi nabo nga bambadde engoye ezitukula; abaayogera nti, “ Abantu b'e Ggaliraaya kiki ekibayimiriza nga mutunuula mu ggulu? Oyo Yesu abaggiddwako okutwalibwa mu ggulu alijja bw'atyo nga bwe mumulabye ng'agenda mu ggulu.”