Versets bíblics populars de ရူဝ်းမႃႉ 6

Comparteix

လွင်ႈ​မၼ်း​ၸမ်ႉ၊ၵႃႈၶၼ်​ဢပျတ်ႈ​ပဵၼ်​တၢင်းတၢႆ​ဢေႃႈ။ ၵူၺ်းၵႃႈ၊သု​ၵျေးၸူး​ၽြႃးပဵၼ်ၸဝ်ႈ​ဢၼ်​ဢမ်ႇ​ဢဝ်​ၵႃႈ​ဢဝ်​ၶၼ်​ပၼ်​ၼၼ်ႉ​ၸမ်ႉ၊ပဵၼ်​ဢသၢၵ်ႈ​ထႃႇဝရႃႉ​ၼႂ်း​ၸဝ်ႈၽြႃး​ႁဝ်း​ ၸဝ်ႈ​ယေႇသု​ၶရိၸ်ႈ၊ ဢေႃႈ။

ပိူဝ်ႈ​ဢၼ်​သူ​ဢမ်ႇ​ယူႇ​တႂ်ႈ​ဢႃႇၼႃႇ​ပိင်းၺၢပ်ႈတြႃး​ၸဝ်ႈ​ယဝ်ႉ၊မီး​ယူႇ​တႂ်ႈ​ၵျေးၸူး​တြႃး​ၸဝ်ႈ​ယဝ်ႉ​ၼၼ်ႉ​လႄႈ​သူ​ဢမ်ႇ​လူဝ်ႇ​မီး​တႂ်ႈ​ဢႃႇၼႃႇ​ဢပျတ်ႈ​တြႃး​ယဝ်ႉ​ဢေႃႈ။

ပိူဝ်ႈ​ၼႆ​လႄႈ​မိူဝ်ႈ​ဢၼ်​ႁဝ်း​ၶၢမ်ႇ​ဢဝ်​မၢင်ႇၵလႃႇ​ပပ်ႉတိၸမ်ႇ​ၼၼ်ႉ​ပဵၼ်​တၢင်း​ဢၼ်​ႁဝ်း​လႆႈ​တၢႆ​ၸွမ်း​မၼ်းၸဝ်ႈ​သေလႄႈ​လႆႈ​ၽင်​ဝႆႉ​ၸွမ်း​မၼ်းၸဝ်ႈ​ယဝ်ႉ​ဢေႃႈ။ ၸိူဝ်ႉ​ၼင်ႇ​ဢၼ်​ ၸဝ်ႈ​ၶရိၸ်ႈ၊ လုၵ်ႉ​သေ​ၵႃႈ​တၢင်းတၢႆ​ၶိုၼ်းလိပ်း​မႃး​ၵွပ်ႈ​လူၺ်ႈ​မုၼ်ၽုင်း​ပေႃႈၸဝ်ႈ​ၼၼ်ႉ​ႁဝ်း​ၵေႃႈ​တၵ်း​လႆႈ​လုၵ်ႉ​ၶိုၼ်ႈ​မႃး​ပႆ​ၼႂ်း​သဵၼ်ႈတၢင်း​ဢၼ်​မီး​ဢသၢၵ်ႈ​မႂ်ႇ​မႂ်ႇ​ဢေႃႈ။

ယႃႇပေ​ဢဝ်​ဢၢင်ႇၵႃႇ​တူဝ်​သူ​သေ​ၸိူဝ်ႉ​သေ​ပိူင်​ဢၢပ်ႈပၼ်​ၵႃႈတီႈ​ဢပျတ်ႈ​တြႃး​ႁႂ်ႈလႆႈ​ပဵၼ်​ၶိူင်ႈ​ၸႂ်ႉ​ၶိူင်ႈ​ႁဵတ်း​တၢင်း​ဢၼ်​ႁၢႆႉမိူၵ်ႈ​ဢမ်ႇတြႃး​ၼၼ်ႉ။ ဢဝ်​တူဝ်​သူ​ဢၢပ်ႈပၼ်​ၵႃႈတီႈ​ၽြႃးပဵၼ်ၸဝ်ႈ​မိူၼ်​ၸိူဝ်ႉ​ၼင်ႇ​ၵူၼ်း​ဢၼ်​လႆႈ​လုၵ်ႉ​သေ​ၵႃႈ​တၢင်းတၢႆ​ၶိုၼ်းလိပ်း​မီး​ဢသၢၵ်ႈ​မႂ်ႇ​မႃး​ၼၼ်ႉ​တႃႉ။ ႁႂ်ႈ​ဢၢင်ႇၵႃႇ​တူဝ်​သူ​လႆႈ​ပဵၼ်​ၶိူင်ႈ​ၸႂ်ႉ​ၶိူင်ႈ​ႁဵတ်း​တၢင်း​ဢၼ်​သိုဝ်ႈတေႃႇ​တႃႉ။

လိူဝ်​သေ​ၼၼ်ႉ​ႁဝ်း​ႁု​လွင်ႈ​ဢၼ်​ၵူၼ်း​ၵဝ်ႇ​ႁဝ်း​ၼႆႉ​လႆႈ​ၶၢမ်ႇ​ဢဝ်​တွၵ်ႇ​ဝႆႉ​ၵႃႈၼိူဝ်​သဝ်မႆႉဝႃးမိုဝ်း​လူၺ်ႈ​ၵၼ်​တင်း​ ၸဝ်ႈ​ၶရိၸ်ႈ၊ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ယႃႉ​လု​ယႃႉလႅဝ်​ပႅတ်ႈ​ဢႃႇၼႃႇ​ဢပျတ်ႈ​တြႃး​ႁႂ်ႈ​ႁဝ်း​လႆႈ​လွတ်ႈ​သေ​ၵႃႈတီႈ​တၢင်း​ဢၼ်​ပဵၼ်​ၶႃႈ​ဢပျတ်ႈ​တြႃး​ၼၼ်ႉ​ဢေႃႈ။

ပိူင်လဵဝ်​ၵၼ် သူ​ၵေႃႈ​လူဝ်ႇ​မၢတ်ႈ​တူဝ်ၸဝ်ႈၵဝ်ႇ​ပဵၼ်​ၵူၼ်းတၢႆ​ပုၼ်ႈတႃႇ​ဢပျတ်ႈ​တြႃး​ယဝ်ႉ​လႄႈ​လႆႈ​ပဵၼ်​ၵူၼ်း​လိပ်း​မီး​ဢသၢၵ်ႈ​မႂ်ႇ​ၼႂ်း​ ၸဝ်ႈ​ယေႇသု​ၶရိၸ်ႈ၊ ပုၼ်ႈတႃႇ​ၽြႃးပဵၼ်ၸဝ်ႈ​ယဝ်ႉ​ဢေႃႈ။

ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ႁဝ်း​တေ​ဝႃႈ​ႁိုဝ်။ ၼင်ႇ​ႁိုဝ်​ၵျေးၸူး​ၸဝ်ႈ​တၵ်း​ၼမ်​ၵိုၼ်း​မႃး​ၸိုင်၊ႁဝ်း​တေ​ႁဵတ်း​ၽိတ်းပိူင်ႈ​ယူႇ​တိၵ်းတိၵ်း​ဝႃႈၼႆ​ႁိုဝ်း။- မၼ်း​ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်​လႃးလႃး။ ပေႃး​ႁဝ်း​ပဵၼ်​မိူၼ်ၼင်ႇ​ဢၼ်​တၢႆ​သေ​ဢပျတ်ႈ​တြႃး​ယဝ်ႉ၊တေ​ၶိုၼ်း​ၵႂႃႇ​လိပ်း​ယူႇ​ၼႂ်း​ဢပျတ်ႈ​ထႅင်ႈ​ၸိူဝ်ႉႁိုဝ်။

ပေႃး​သူ​ဢၢပ်ႈ​တူဝ်ၸဝ်ႈၵဝ်ႇ​ႁႂ်ႈလႆႈ​ပဵၼ်​ၶႃႈ​ဢၼ်​ထွမ်ႇ​ၵႂၢမ်း​တီႈ​သေၵေႃႉၵေႃႉ​ၸိုင်၊သူ​ၶဝ်ႈ​ပဵၼ်​ၶႃႈ​ၵႃႈတီႈ​ၸဝ်ႈ​ၼၼ်ႉ​ယဝ်ႉ၊ဝႃႈၼႆ​သူ​ဢမ်ႇ​ႁု​ႁိုဝ်း။ ပေႃး​ပဵၼ်​ၶႃႈ​ဢပျတ်ႈ​တြႃး​ၸိုင်၊တေ​လႆႈ​ႁွတ်ႈထိုင်​တၢင်းတၢႆ​လႄႈ​ပေႃး​ပဵၼ်​ၶႃႈ​ဢၼ်​ထွမ်ႇဢဝ်​ၵႂၢမ်း​ၸဝ်ႈၽြႃး​ၸိုင်၊တေ​လႆႈ​ပဵၼ်​ၵူၼ်း​သိုဝ်ႈတေႃႇ​ဢေႃႈ။

ပိၵ်ႉသမ်ႉ​သူ​ယၢမ်ႈ​ပဵၼ်​ၶႃႈ​ဢပျတ်ႈ​တြႃး​သေၵေႃႈ​ပိူဝ်ႈ​ဢၼ်​သူ​ပႃးၸႂ်​ပႃး​ၶေႃး​ထွမ်ႇဢဝ်​ၵႂၢမ်း​ၸဝ်ႈၽြႃး​ဢၼ်​သူ​လႆႈ​သွၼ်​ဢဝ်​ၼၼ်ႉ​လႄႈ​ၵျေးၸူး​ၽြႃးပဵၼ်ၸဝ်ႈ​ယႂ်ႇ​ၼႃႇ​ဢေႃႈ။- ပိူဝ်ႈ​ဢၼ်​သူ​လႆႈ​ၶၢမ်ႇ​ဢဝ်​တၢင်း​ဢၼ်​ပွႆႇလွတ်ႈ​ၶႂၢင်း​ပၼ်​ဢပျတ်ႈ​သေယဝ်ႉ၊လႆႈ​ပဵၼ်​ၶႃႈ​တြႃး​တၢင်း​ဢၼ်​သိုဝ်ႈတေႃႇ​ယဝ်ႉ​ဢေႃႈ။