Versets bíblics populars de ရူဝ်းမႃႉ 5

Comparteix

ၵူၺ်းၵႃႈ၊ၽြႃးပဵၼ်ၸဝ်ႈ​ၼႄပျႃး​တၢင်း​ဢၼ်​မၼ်းၸဝ်ႈ​ႁၵ်ႉ​ႁဝ်း​ထၼ်ႇ​လႂ်​ၼၼ်ႉ​ၼႂ်း​တၢင်း​ဢၼ်​ ၸဝ်ႈ​ၶရိၸ်ႈ၊ ၶၢမ်ႇတၢႆ​တၢင်​ႁဝ်း​ယၢမ်း​မိူဝ်ႈ​ဢၼ်​ႁဝ်း​ယင်း​တိုၵ်ႉ​ပဵၼ်​ၵူၼ်း​ၽိတ်းပိူင်ႈ​ယူႇ​ၼၼ်ႉ​ဢေႃႈ။

တၢင်း​ဢၼ်​မုင်ႈမွင်း​ၼၼ်ႉ​တိုၼ်း​ဢမ်ႇ​ႁႂ်ႈ​ႁဝ်း​လႆႈ​ဢူၵ်း​လႆႈ​ဢၢႆ​ပိူၼ်ႈ၊ၵွပ်ႈပိူဝ်ႈ​ၽြႃးပဵၼ်ၸဝ်ႈ​ဢဝ်​ဝိၺိၺ်ႇ​မူတ်းၸၢင်ႇ​ၸဝ်ႈ​ဢၼ်​ပဵၼ်​သု​ၵျေးၸူး​တီႈ​ႁဝ်း​ၼၼ်ႉ​လႄႈ​သွၼ်းလေႃႇ​တၢင်းႁၵ်ႉ​မႅတ်ႈတႃႇ​မၼ်းၸဝ်ႈ​ဝႆႉ​ၵႃႈၼႂ်း​ႁူဝ်​ၸႂ်​ႁဝ်း​ယဝ်ႉ​ဢေႃႈ။

လိူဝ်​သေ​ၼၼ်ႉ​ႁဝ်း​သိူဝ်း​ၸူမ်း​ၼႂ်း​တၢင်း​ဢၼ်​ႁဝ်း​တုၵ်ႉၶႃႉ​ၺႃး​ၽေး၊ၵွပ်ႈပိူဝ်ႈ​ႁဝ်း​ႁု​လွင်ႈ​ဢၼ်​ၽေး​တုၵ်ႉၶႃႉ​ၼၼ်ႉ​ၸၢင်ႈ​သွၼ်ပၼ်​ႁႂ်ႈ​ႁဝ်း​မေႃ​ယိူၼ်ႉၶၢမ်ႇ​ၸႂ်​ယၢဝ်း​ဢေႃႈ။- တၢင်း​ဢၼ်​ယိူၼ်ႉၶၢမ်ႇ​ၼၼ်ႉ​ႁဵတ်း​ႁႂ်ႈ​ၽြႃးပဵၼ်ၸဝ်ႈ​ထုၵ်ႇၸႂ်​ႁဝ်း​လႄႈ၊တၢင်း​ဢၼ်​မၼ်းၸဝ်ႈ​ထုၵ်ႇၸႂ်​ၼၼ်ႉ​ပွင်ႁဵတ်း​ပွင်​သၢင်ႈ​တၢင်း​ဢၼ်​မုင်ႈထႃႈ​မွင်းထႃႈ​ဢေႃႈ။

ၵမ်း​ၼႆႉ၊ၵွပ်ႈ​ႁဝ်း​ယုမ်ႇမၢတ်ႈ​ၸင်ႇ​ၽြႃးပဵၼ်ၸဝ်ႈ​မၢတ်ႈ​ႁဝ်း​ပဵၼ်​ၵူၼ်း​သိုဝ်ႈတေႃႇ​ယဝ်ႉ။ ၵွပ်ႈပိူဝ်ႈ​ၼႆ​လႄႈ​ႁဝ်း​တင်း​ၽြႃးပဵၼ်ၸဝ်ႈ​ထုၵ်ႇမေႃ​ၵၼ်​ယူႇ​ၵွပ်ႈ​လူၺ်ႈ​ၸဝ်ႈၽြႃး​ႁဝ်း​ ၸဝ်ႈ​ယေႇသု​ၶရိၸ်ႈ၊ ဢေႃႈ။- ၵွပ်ႈပိူဝ်ႈ​ ၸဝ်ႈ​ယေႇသု၊ ၼၼ်ႉ​ႁဝ်း​လႆႈ​ယုမ်ႇမၢတ်ႈ​သေလႄႈ​လႆႈ​ဢၶႂၢင်ႉ​ဢၼ်​ၶဝ်ႈ​ၸၢမ်ႇၸႃး​ၵျေးၸူး​ၸဝ်ႈ​တီႈ​ဢၼ်​ႁဝ်း​တႄႇ​ဝႆႉ​ယူႇ​ၼၼ်ႉ​သေယဝ်ႉ၊ႁဝ်း​လႆႈ​သိူဝ်း​ၸူမ်း​ၼႂ်း​တၢင်း​ဢၼ်​ႁဝ်း​မုင်ႈမွင်း​ႁႂ်ႈလႆႈ​ၸၢမ်ႇၸႃး​မုၼ်ၽုင်း​ၽြႃးပဵၼ်ၸဝ်ႈ​ၼၼ်ႉ​ဢေႃႈ။

ၼႂ်း​မိူဝ်ႈ​ဢၼ်​ႁဝ်း​ယင်း​တိုၵ်ႉ​ႁႅင်းဢူၼ်ႈ​ယူႇ​ၼၼ်ႉ​လႄႈ​ၶိင်ႇ​မၼ်း​ၵေႃႈ​သၢင်ႇထုၵ်ႇ​ယဝ်ႉ​ၸင်ႇ​ ၸဝ်ႈ​ၶရိၸ်ႈ၊ ၶၢမ်ႇတၢႆ​တၢင်​ၵူၼ်း​ၸိူဝ်း​ဢၼ်​ၽိတ်းပိူင်ႈ​ၽြႃး​တြႃး​ၼၼ်ႉ​ဢေႃႈ။

ၵွပ်ႈပိူဝ်ႈ​မၼ်းၸဝ်ႈ​ထွၵ်ႇ​လိူတ်ႈ​မၼ်းၸဝ်ႈ၊ၶၢမ်ႇတၢႆ​တၢင်​ႁဝ်း၊ႁႂ်ႈ​ႁဝ်း​လႆႈ​ပဵၼ်​ၵူၼ်း​သိုဝ်ႈတေႃႇ​ၼၼ်ႉ​လႄႈ မၼ်းၸဝ်ႈ​တၵ်း​ယဵင်ႈၶႅၼ်း​ၵႄႇၶျွတ်ႈ​ဢဝ်​ႁဝ်း​ဢွၵ်ႇ​သေ​ၵႃႈတီႈ​တၢမ်ႇ​ဢပျတ်ႈ​ဢၼ်​ၽြႃးပဵၼ်ၸဝ်ႈ​တၵ်း​ၸီႇယၢင်ႇ​ၼၼ်ႉ​ဢေႃႈ။

ပိူင်လဵဝ်​ၵၼ် ၸွမ်းၼင်ႇ​ၵူၼ်း​တင်းလၢႆ​ၽိတ်းပိူင်ႈ​ၵွပ်ႈပိူဝ်ႈ​ၵူၼ်း​ၵေႃႉ​ၼိုင်ႈ​ဢမ်ႇ​ထွမ်ႇဢဝ်​ၵႂၢမ်း​ၸဝ်ႈၽြႃး​ၼၼ်ႉ၊ၵူၼ်း​ၼမ်ၼႃႇ​တၵ်း​လႆႈ​ပဵၼ်​ၵူၼ်း​သိုဝ်ႈတေႃႇ​ၵွပ်ႈပိူဝ်ႈ​ၸဝ်ႈ​ပႃး​ၼိုင်ႈ​ထွမ်ႇဢဝ်​ၵႂၢမ်း​ၸဝ်ႈၽြႃး​ၼၼ်ႉ​ဢေႃႈ။

လိူဝ်​သေ​ၼႆႉ​ၵူၺ်းဢမ်ႇၵႃး၊ႁဝ်း​လႆႈ​သိူဝ်း​ၸူမ်း​ၼႂ်း​ၽြႃးပဵၼ်ၸဝ်ႈ​ၵွပ်ႈပိူဝ်ႈ​မိူဝ်ႈလဵဝ်​ၼႆႉ​ၸဝ်ႈႁဝ်း​ၶႃႈ​ ၸဝ်ႈ​ယေႇသု​ၶရိၸ်ႈ၊ ႁဵတ်း​ႁႂ်ႈ​ႁဝ်း​ၶိုၼ်း​လီ​ၵၼ်​တင်း​ၽြႃးပဵၼ်ၸဝ်ႈ​ယဝ်ႉ​ၼၼ်ႉ​ဢေႃႈ။