Versets bíblics populars de Mar. 6

Comparteix

Penga niyan, minikagi si Jesus, “Tenani niyo se doma otaw, aw taking kaw kanak doton te kesikmihan amon meg-etod kaw te eked kenamay.” Yan se inikagi din, so medita se otaw gayed egdoton kandin, aw kenà egpekekaen si Jesus aw menge tinoledaan din.

Penga niyan, minikagi sikandin, “Gayed egsegmanen te doma otaw se telekeliwat te kagi te Timanem, meneng kenà sikandin egsegmanen te menge otaw te kandin lonsod aw menge kedowa din.”

Pegtenà i Jesus, kinità din se ontò medita otaw migtagad kandin. Ontò din dan neidowan, so iling dan te menge ayam-ayam karniro megketading te eked kenamay aw wedad megdiyaga kandan. Penga niyan, migtoladà si Jesus kandan te medita kebenalan.

Nepela si Jesus so wedà dan pemenal kandin, aw yan se doun te pilabok se kepelahan ininang din kidoen. Pilabok olò se otaw pinemàdan din aw negolian. Nayan, miglegeb si Jesus doton te kedita te lonsod, aw migtoladà kidoen.

Penga niyan, inabat i Jesus se lima pan aw didowa ikan. Limengag sikandin doton te langit aw migpesiontong diyà te Timanem kenyan. Penga niyan, binelà-belà din se pan aw imbegay din diyà te menge tinoledaan din amon iteped dan diyà te menge otaw netipon. Impeteped din heman se didowa ikan diyà te kedita te otaw. Kimaen se kedita dan aw nebesog dan. Penga niyan, inimon dan se samà te pan aw ikan kinaen dan, aw sempolò teg dowa se buun nepenò.