Versets bíblics populars de Mat. 22

Comparteix

Minikagi si Jesus, “Kedekeli niyo te pedowan se Pengolo niyo Timanem te ontò melobos se pedowan niyo kandin, aw aneng-aneng niyo. Yan se punù ontò melangkaw diyà te kedita. Seini se punù neketondog kenyan. Kedekeli niyo te pedowan se doma otaw iling te peg-aneng-aneng niyo te kenyo pegkeotawun.

Aw egtoloen niyo se dowa punù sìyan, netolò niyo heman se kedita te punù ingkeliwat i Moises aw menge telekeliwat te kagi te Timanem gebii.”

Pengkey ontò medita se otaw tinawal te Timanem, meneng pilabok se meinang menge sakop din.”

Aw entayen te Timanem se otaw lekat te nematay, eked dan palos pengognan, so iling dan te menge anghil eg-ogpà doton te langit.

Pekitai niyo diyà kanak se kwarta ipegbayad niyo te mihoras.” Penga niyan, imbegay dan diyà kandin se kwarta plata. Mig-insà si Jesus, “Sinu lay bawa se insawol kidoen? Sinu lay ngadan se insolat kidoen?” Timaba dan, “Selotan te Roma.” Minikagi si Jesus, “Yan begayi niyo diyà te selotan se keilangan ibegay niyo diyà kandin, aw begayi niyo heman diyà te Timanem se keilangan ibegay niyo diyà kandin.”