Versets bíblics populars de Mat. 21

Comparteix

Aw megtawal-tawal kaw diyà te Timanem, aw somalig kaw diyà kandin, metoman kaw din begayan te kedita te pemoyoen niyo.”

Minikagi si Jesus, “Eneng-enengi niyo se kagi ko kenyo seini. Aw somalig kaw diyà te Timanem aw eked kaw pegdowa-dowa, meg-inang kaw te kepelahan labi pa metolos diyà te ininang ko diyà te kayo seini. Aw mikagi kaw diyà te bontod seini te meabat iyan aw mealin doton te dagat, metoman iyan meinang.

Migpegais se kedita te otaw timaking ki Jesus, pengkey nekeonà aw timetondog. Migpegais dan, “Iduyun se bowad-bowad i David. Iduyun se insogò te Pengolo tadon Timanem. Iduyun se Timanem.”

Minikagi sikandin, “Doen kagi te Timanem impesolat din gebii, ‘Se balay te Timanem, yan se ingedanan balay te pegtawal-tawal.’ Meneng ininang niyo den ini iling te ogpeanan te megdedempasay.”

“Seini se iindan no diyà te kedita te tege Sion. Na, domateng se selotan niyo, aw medanà se pegkeotawun din, so somakay te nati te asno.”

Minikagi si Jesus, “Iling te wedà kaw palos pegbasa te kagi te Timanem seini, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay. Mèpiya se ininang te Pengolo sìyan, aw yan se doun te iduyun tadon sikandin.’

“Eneng-enengi niyo se kagi ko kenyo. Yan se doun te eked kaw sekopi te Timanem diyà te peglowan din, meneng sekopen din se menge doma otaw ontò tomolò te ibeg din. [