Versets bíblics populars de Firifai 2

Comparteix

Yanu onarou manebake da imuaweke yanu ibi da we ma daiwere uawe. Yanu onarounu ibi we ma okoanaku uaweke nono moi orou emenu ibi we ma daiwere uawe. Yanu ukeka sineka manebake da imuaweke moi orou aneaneme unu kofiakaisa ibai imukada emenu ukeka sinekaini imuawe.

Yesu Keriso imuke eaweke nono Danu ukeka sineka ari uke eawe. Dawae Godi. Nono Danu Godinu ukeka sineka yabakenewaa dauike Danu bunaini danu arakekaini i eka medike eme yaisinanu waiya ukeka mi sinaada ba eme sini.

Yesu Keriso imuke eaweke nono Danu ukeka sineka ari uke eawe. Dawae Godi. Nono Danu Godinu ukeka sineka yabakenewaa dauike Danu bunaini danu arakekaini i eka medike eme yaisinanu waiya ukeka mi sinaada ba eme sini. Dawae ba eme sini ibake Dawae Danu onami ma okoanaku uike Godinu arara uike feari. Dawae i korosiro feareka inimu munike feari.

Godi Dawa yabairo ibaada Danu arara ukaada Dawa imufoke Danu waiya ufone ibake ya aine wai ure unu korakune.

Eno ui ibake Godima Dawa fearekaroma ma uyarike urero odike i orounu ibi ibi yaisinabairoma Danu ibi mane ma daiwere ui. Enoba aina ainama Yesu Kerisonu ibi naufisake ifoma Danu ibooro kodudu yanafisane ibake eno ui. I urero ibeka orouini dooro ibeka orouini doo wowonaro ibeka orouini emua yaisina ifoma danu ibooro kodudu yanafeisa. Eme yaisina emua emenu bebekuma eno wefeisa, Yesu Keriso dawae iyanu Dai Waria Miya eno wefeisake iyanu Babae Godinu ibi we ma irauaiai ufeisa.

Aneme aneme ufoisaie kamena da weaweke urane rarane da uawe. Eno ufoisaie emema yabake wayai da wefeisaro irauaiai mane ibifoisa. Yae Godinu amaraku. Enoba yae i meramawere ukeka imuka imukaisa orounu dumuwere imukeka ari imuka da imuawe. Ramefa edoro ukeibaku i ari eno emuabairo yama edoro uaweke Godinu wake emuabairo weawe. Eno ufoisaro Yesu Kerisoma fafekuie nama yabairo ukeibisara i irauaiai waiyabake rooro umau.

Naiyemuku, nanu moi owaowaro wake yewadoya eawe. Nama yabairo ibaada aneme weibisara ibai naukada enaenari ukeibisa. Nono awoenae na yabairo ibe dakakuneba ibake yama ena adinaro aneaneme ukeibisa enaenari mane ukenewaa uawe. Godima i wirokeka ya marieba ibake Godi mane iifa daiwere uaweke i wirokeka waiya ukenewaa uawero yanu wirokeka irauaiai sifi.