Versets bíblics populars de Firifai 1

Comparteix

Na iwoka, Godima yanu imuka ubarenaro kawama waiya ukeibi i ari eno enaenari ukeebe Yesu Kerisonu owere fafeku odoro idua uke me sifeku.

Ya Firifai goi orou yama Godinu imukeka imukenewaa ufoke uke iwoka uforo yanu moi oroubake imukari ukeka daiwere ufone ibake Godibairo guriguri ukakune. Yama eno ufoisaie i irauaiai imukekaini nono i merama ukeka imukaini imuke giena ukaada ideie meramaro nono yewadeie irauaiaiya eno wefoke we ma irauaiai mane uforo yanu imuka amearubu ibifiro Yesu Kerisonu owere fafeku odoro emema yabake wayai da wefisane ibake weakune.

Nae eno we imukakune, nanu awoena ibineie Yesu Kerisoini demuiro ibinisu. Nono nanu dubuenaro feamauie nono nanu awoena ibine ibai ma beremauke irauaiai ibimau.

Nama yabake imukadae Godibairo we ma irauaiai ukakune.

Yae Yesu Kerisonu wake naukeka oroua irau ukeka sineka mane ukenewaa uawe. Yabairo famauba me ariba yanu irau ukeka sineka wake mane naumau. Ibake nanu ararae ya orouma Godinu wake naukada daaba demuiro enare ara ufoke daaba demuiro imufoke Godinu wake weforo moi orouma yaini wasai ufeisaie ia da sifone weakune. Yama ia da sifoisaie i yaini wasai ukaisa orouma ibai eraada i feare dakaku inaaro anifeisaro Godima ya ma wirofiakubai emua iwoka sifeisa.

Nae Godi imukenewaa ukakuneba ibake na arara me aneme merama ukeroma maru ukeka. Nanu awoena ibine enaenari ibimauba ba feamau aribaie emema ibai eraada Yesu Kerisonu ibi we ma daiwere ufisane ibake weakune.

Godinu imukekae eno imukaku, Godima Danu arararo eno uiba ibake yama Yesu Keriso imukaisake Danu waiya ukaisaro nono Yesu Kerisonu ibibake awe waa yabairo fafekua Godima eno imukaku.