Hosea 3
3
Hosea nende omukhasi omuheyi
1Mana OMWAMI niyasunjila mbu Khatsie khandi, oheele omukhasi ouheelwa nomutiawe, ouli omuheyi; shinga OMWAMI olwa aheelanga abaana baIsiraeli, kata olwa bashiukhanilanga abanyasaye bandi, nibaheela amabumbi ketsinzabibu tsinyumu. 2Kho nimukula tsifeetsa ekhumi natsiraano, nende ishayiri ihomeri neinusu; 3nimuboolela mbu Oleekhala ninasi tsindaalo tsinyinji; shiolakhola obutamba kata shiolateeshibwa nomusaatsa yesi ta; nasi siesi ndalaba endio khwiwe. 4Okhuba nindio abaana baIsiraeli baleekhala tsindaalo tsinyinji nibabula omuruchi, nibabula omukhulundu, nibabula omusango, nibabula isiiro yelichina lisongookhu, nibabula efoti kata omuterafi ta; 5ne olunyumakhwo abaana baIsiraeli balakalukha nibakhaaba OMWAMI Nyasaye wabwe, naDaudi omuruchi wabwe; ne baleetsa noburii khuMWAMI nokhubulayibwe mundaalo tsiolunyuma.
Избрани в момента:
Hosea 3: OUV
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
Oluluyia Union Version © Bible Society of Kenya 1975