1-Каринфвийриз 6
6
Иман гвайбурун арада дувандин силисар
1Куь кар Аллагьдиз талукьбуру гьялнайтӀа кӀандай. Идан чкадал куь гьуьжетар иман гвачир ксарикай ибарат дуванханадив гьялиз куьне вуч лагьана тазва? 2Дуьньядин дуван Аллагьдиз талукьбуру ийидайди квез чизвачни кьван? Инлай кьулухъ дуьньядин дуван авун куь хиве аватӀа, бес квевай куьлуь-шуьлуь кӀвалахар гьялиз жедачни? 3Чна малаикрин дуванни ийидайди квез чизвачни бес? Чи гьар йикъан къайгъуйрай чавай кьил акъудиз жедачни мегер? 4Амма вучиз куьне ихьтин месэлаяр гьялун куь кӀватӀалдик акат тийизвай ксарин ихтиярда твазва? 5Квез регъуь тушни! Куь юкьвай иманийрин арада авай гьуьжетар гьялиз жедай хьтин акьул авай инсан жагъидачни кьван? 6Амма куьне сада сад дувандиз вугузва, ва гьатта иман гвачирбуру куь дуван ийизва!
7Гьич тахьайтӀа, куьне сада сад дувандиз вугун – куьн паталди михьиз магълубвал я. Зиян хьайибур яз амукьун мадни хъсан тушни? Алцур хьайибур яз амукьун генани хъсан тушни? 8Амма куьне гьатта куь стхаяр-вахар алцурни ийизва, абурувай чуьнуьхни ийизва. 9Гьахъ авачирбуруз Аллагьдин Пачагьлугъ ирс яз акъат тийидайди квез чизвачни кьван? Килиг гьа, куьн алцур жедайвал тахьурай. Са явабурузни, са бутпересризни, гъуьлуьн-папан вафа чӀурзавайбурузни, чпи чпиз гъуьл-пабвалзавай итимризни папаризни, 10угърийризни, темягькарризни, хъвадайбурузни, фитнекарризни, къачагъризни Аллагьдин Пачагьлугъ ирс яз акъатдач. 11Квекай, лагьайтӀа, са бязибур анжах гьа гьахьтинбур тир, амма куьн Ребби Иса Месигьдин ТӀварцӀелди ва чи Аллагьдин Руьгьдалди чуьхвена михьнай, пак ва гьахъ авунай.
Беден – Пак Руьгьдин кӀвал
12Куьне лугьузва: «Заз вири ихтиярар ава». Эхь, амма виридакай хийир авач. «Заз вири ихтиярар ава», амма зал са куьнинни гьукум хьун лазим туш. 13Куьне мадни лугьузва: «Хук – тӀуьн паталди я, тӀуьнни – хук паталди, амма Аллагьди имни, амни терг ийида». Эхь, амма беден явавал авун паталди ваъ, Аллагьдиз къуллугъ авун паталди тайинарнавайди я, Аллагьдини бедендиз вуч лазим ятӀа гьам гузва. 14Аллагьди Вичин къуватдалди Реббидал чан хкана, чални чан хкида. 15Квез куь беденар Месигьдин Бедендин паяр тирди чизвачни мегер? ГьакӀ хьайила квез Месигьдин Бедендин паяр къагьбедин бедендин паяриз элкъуьриз кӀанзавани? АкӀ жедач! 16Къагьбедихъ галаз сад хьайиди адахъ галаз са беден жезвайди квез чизвачни кьван? ГьикӀ лагьайтӀа, кхьенва эхир: «Кьведакай са жендек жеда»#Хьунухь 2:24.. 17Реббидихъ галаз сад хьайиди Адахъ галаз са руьгь жезва.
18Гьашервиликай катиз хьухь. Инсанди ийизвай маса гунагьар вичин бедендихъ галаз алакъада авайбур туш, амма гьаяйрин явавал ийизвайда жуван бедендиз зиян гузва. 19Куь беден квек квай ва куьне Аллагьдивай къачунвай Пак Руьгьдин кӀвал тирди квез чизвачни кьван? Куьн квез талукь яз авач, 20вучиз лагьайтӀа куьн багьа къимет гана къачунва. Гьавиляй куь беденралди Аллагьдиз шукурар ая.
Избрани в момента:
1-Каринфвийриз 6: ЛезПК
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Институт перевода Библии, 2010-2024
1-Каринфвийриз 6
6
Иман гвайбурун арада дувандин силисар
1Куь кар Аллагьдиз талукьбуру гьялнайтӀа кӀандай. Идан чкадал куь гьуьжетар иман гвачир ксарикай ибарат дуванханадив гьялиз куьне вуч лагьана тазва? 2Дуьньядин дуван Аллагьдиз талукьбуру ийидайди квез чизвачни кьван? Инлай кьулухъ дуьньядин дуван авун куь хиве аватӀа, бес квевай куьлуь-шуьлуь кӀвалахар гьялиз жедачни? 3Чна малаикрин дуванни ийидайди квез чизвачни бес? Чи гьар йикъан къайгъуйрай чавай кьил акъудиз жедачни мегер? 4Амма вучиз куьне ихьтин месэлаяр гьялун куь кӀватӀалдик акат тийизвай ксарин ихтиярда твазва? 5Квез регъуь тушни! Куь юкьвай иманийрин арада авай гьуьжетар гьялиз жедай хьтин акьул авай инсан жагъидачни кьван? 6Амма куьне сада сад дувандиз вугузва, ва гьатта иман гвачирбуру куь дуван ийизва!
7Гьич тахьайтӀа, куьне сада сад дувандиз вугун – куьн паталди михьиз магълубвал я. Зиян хьайибур яз амукьун мадни хъсан тушни? Алцур хьайибур яз амукьун генани хъсан тушни? 8Амма куьне гьатта куь стхаяр-вахар алцурни ийизва, абурувай чуьнуьхни ийизва. 9Гьахъ авачирбуруз Аллагьдин Пачагьлугъ ирс яз акъат тийидайди квез чизвачни кьван? Килиг гьа, куьн алцур жедайвал тахьурай. Са явабурузни, са бутпересризни, гъуьлуьн-папан вафа чӀурзавайбурузни, чпи чпиз гъуьл-пабвалзавай итимризни папаризни, 10угърийризни, темягькарризни, хъвадайбурузни, фитнекарризни, къачагъризни Аллагьдин Пачагьлугъ ирс яз акъатдач. 11Квекай, лагьайтӀа, са бязибур анжах гьа гьахьтинбур тир, амма куьн Ребби Иса Месигьдин ТӀварцӀелди ва чи Аллагьдин Руьгьдалди чуьхвена михьнай, пак ва гьахъ авунай.
Беден – Пак Руьгьдин кӀвал
12Куьне лугьузва: «Заз вири ихтиярар ава». Эхь, амма виридакай хийир авач. «Заз вири ихтиярар ава», амма зал са куьнинни гьукум хьун лазим туш. 13Куьне мадни лугьузва: «Хук – тӀуьн паталди я, тӀуьнни – хук паталди, амма Аллагьди имни, амни терг ийида». Эхь, амма беден явавал авун паталди ваъ, Аллагьдиз къуллугъ авун паталди тайинарнавайди я, Аллагьдини бедендиз вуч лазим ятӀа гьам гузва. 14Аллагьди Вичин къуватдалди Реббидал чан хкана, чални чан хкида. 15Квез куь беденар Месигьдин Бедендин паяр тирди чизвачни мегер? ГьакӀ хьайила квез Месигьдин Бедендин паяр къагьбедин бедендин паяриз элкъуьриз кӀанзавани? АкӀ жедач! 16Къагьбедихъ галаз сад хьайиди адахъ галаз са беден жезвайди квез чизвачни кьван? ГьикӀ лагьайтӀа, кхьенва эхир: «Кьведакай са жендек жеда»#Хьунухь 2:24.. 17Реббидихъ галаз сад хьайиди Адахъ галаз са руьгь жезва.
18Гьашервиликай катиз хьухь. Инсанди ийизвай маса гунагьар вичин бедендихъ галаз алакъада авайбур туш, амма гьаяйрин явавал ийизвайда жуван бедендиз зиян гузва. 19Куь беден квек квай ва куьне Аллагьдивай къачунвай Пак Руьгьдин кӀвал тирди квез чизвачни кьван? Куьн квез талукь яз авач, 20вучиз лагьайтӀа куьн багьа къимет гана къачунва. Гьавиляй куь беденралди Аллагьдиз шукурар ая.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Институт перевода Библии, 2010-2024