1-Каринфвийриз 11
11
1За Месигьдилай чешне къачузвайвал, куьнени залай чешне къачу.
Аллагьдиз ибадат ийидай чӀавуз жува жув тухуникай
2Вири крара куьне зун рикӀел хуьнал ва куьне куьн за квез гайи адетдив кьадайвал тухунай за куь тарифзава. 3Заз квез чир хьана кӀанзава хьи, гьар са итимдин кьил Месигь я, гьар са папан кьил – адан гъуьл я, Месигьдин кьил Аллагь я. 4Итимди кьилел алаз дуьа ва я пайгъамбарвал ийизватӀа, ада вичин кьил абурдай вегьизва. 5Папани кьил кӀев тавуна дуьа ва я пайгъамбарвал ийизватӀа, гьадани вичин кьил абурдай вегьизва. Им ада вичин кьил твана лагьай чӀал я. 6Папа кьил кӀевзавачтӀа, къуй ада михьиз вичин чӀарар турай. Папа кьил тун ва я чӀарар атӀун беябурвал яз гьисабзаватӀа, къуй ада кьил кӀеврай. 7Итимди вичин кьил кӀевна кӀандач, гьикӀ лагьайтӀа, ам Аллагьдин къамат ва Адан баркалла я. Паб лагьайтӀа, вичин гъуьлуьн баркалла я.
8Итим папалай ваъ, паб итимдилай хьанвайди я. 9Итим паб патал ваъ, паб итим патал халкь авунвайди я. 10Гьавиляй малаикрин хатурдай папан кьилел гьукумдин лишан хьана кӀанда.
11ЯтӀани Реббидин вилик я паб, я итим сад садалай аслу тушиз жедач, 12вучиз лагьайтӀа паб итимдилай хьайивал, итимни папа ханва, амма вири Аллагьди халкьнава. 13Куьне фагьума, папаз кьилел алачиз дуьа авун кутугнавани кьван? 14Итимди яргъи чӀарар тазватӀа, им ам патал беябурвал я, чаз ацукьуни-къарагъуни гьакӀ лугьузвачни кьван? 15Гьа са вахтунда паб патал яргъи чӀарар абур я. ГьикӀ лагьайтӀа, папаз яргъи чӀарар шаршавдин чкадал ганва. 16Са низ ятӀани захъ галаз и кардин паталай гьуьжет ийиз кӀанзаватӀа, заз гьасятда адаз лугьуз кӀанзава: я чаз, я Аллагьдин иманийрин муькуь кӀватӀалриз маса адет авач.
Реббидин суфра кутун
17И тагькимар гуналди, за куь тариф ийизвач лугьуз кӀанзава заз, вучиз лагьайтӀа куьн санал кӀватӀ хьунри хийирдилай гзаф зарар гъизва. 18Сад лагьайди, куьн иманийрин кӀватӀал хьиз, санал кӀватӀ жезвай берейра куьн пайи-паяр жезва лугьуз ван хьана заз. Са патахъай зун и ванерин чӀалахъни жезва. 19Куь арадавай фикиррин чаравални квекай вуж синагъра мягькем ятӀа къалурун патал хьун лазим я. 20Амма санал кӀватӀ жезвай берейра куьне ийизвай крариз Реббидин суфра кутунин карда иштиракун я сакӀани лугьуз жедач. 21Куьне гьар сада жува гъанвайди незва, гьакӀ садбур гишила амукьзава, муькуьбуру сархуш жедалди хъвазва. 22ТӀуьн-хъун паталди квез жуван кӀвалер авачни? Им Аллагьдин иманийрин кӀватӀал беябур авун ва чпиз недай затӀни авачирбур русвагь авун тушни кьван? За квез вуч лугьун? И кардай куь тариф ийидани? Гьелбетда, ваъ! 23ГьикӀ лагьайтӀа, за Реббидивай Вичивай кьабулна, квев агакьарна хьи, Иса Месигь маса гайи йифиз Ада фу гъиле кьуна 24ва ризкьи гудай дуьада шукурна, фу чӀук-чӀук авуна ихьтин гафар лагьана: «Им куь паталай гузвай Зи Беден я. Зун рикӀел хкиз гьа икӀ ая». 25Нянин тӀуьнилай кьулухъ Ада сукӀра гъиле кьуна, дуьа авуна ва лагьана: «И сукӀра Зи Ивидалди кутӀуннавай цӀийи Икьрар я. Гьар гъилера Зун рикӀел хкун патал хъвадайла, гьа икӀ ая». 26Вучиз лагьайтӀа гьар гъилера и фу недайла ва и сукӀрадай хъвадайла, куьне Ребби хкведалди Адан кьиникьикай шагьидвалда.
27Гьа икӀ, кутуг тавур саягъда фу незватӀа ва сукӀрадай хъвазватӀа, ада Реббидин Бедендин ва Ивидин аксина гунагь ийизва. 28Фу недалди ва сукӀрадай хъвадалди вилик инсанди вичи вич чиррай, 29вучиз лагьайтӀа Реббидин Бедендин метлеб кьатӀун тавуна незвай ва хъвазвай гьар сада вичиз кар кьадайвал ийизва. 30Куь арада чандин жигьетдай зайифбур ва азарри кьунвайбур гзаф авайди, гьатта рагьметдизни фенвайбур тӀимил тахьун гьавиляй я. 31Чна чун синагъ ийизвайтӀа, Аллагьди чи дуван ийидачир. 32Амма чи дуван Реббиди ийизвайла, чаз амай дуьньядихъ галаз санал кар атӀун патал, чаз тербия яз жаза гузва.
33Гьа икӀ, стхаяр-вахар, куьн санал нез кӀватӀ жедайла, сада сад вилив хуьх. 34Куь кӀватӀ хьунухьрай куь дуван тийидайвал, низ гишин ятӀа, къуй ада кӀвале тӀуьрай.
Зун куь патав атайла, за амай крарни гуьнгуьна твада.
Избрани в момента:
1-Каринфвийриз 11: ЛезПК
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Институт перевода Библии, 2010-2024
1-Каринфвийриз 11
11
1За Месигьдилай чешне къачузвайвал, куьнени залай чешне къачу.
Аллагьдиз ибадат ийидай чӀавуз жува жув тухуникай
2Вири крара куьне зун рикӀел хуьнал ва куьне куьн за квез гайи адетдив кьадайвал тухунай за куь тарифзава. 3Заз квез чир хьана кӀанзава хьи, гьар са итимдин кьил Месигь я, гьар са папан кьил – адан гъуьл я, Месигьдин кьил Аллагь я. 4Итимди кьилел алаз дуьа ва я пайгъамбарвал ийизватӀа, ада вичин кьил абурдай вегьизва. 5Папани кьил кӀев тавуна дуьа ва я пайгъамбарвал ийизватӀа, гьадани вичин кьил абурдай вегьизва. Им ада вичин кьил твана лагьай чӀал я. 6Папа кьил кӀевзавачтӀа, къуй ада михьиз вичин чӀарар турай. Папа кьил тун ва я чӀарар атӀун беябурвал яз гьисабзаватӀа, къуй ада кьил кӀеврай. 7Итимди вичин кьил кӀевна кӀандач, гьикӀ лагьайтӀа, ам Аллагьдин къамат ва Адан баркалла я. Паб лагьайтӀа, вичин гъуьлуьн баркалла я.
8Итим папалай ваъ, паб итимдилай хьанвайди я. 9Итим паб патал ваъ, паб итим патал халкь авунвайди я. 10Гьавиляй малаикрин хатурдай папан кьилел гьукумдин лишан хьана кӀанда.
11ЯтӀани Реббидин вилик я паб, я итим сад садалай аслу тушиз жедач, 12вучиз лагьайтӀа паб итимдилай хьайивал, итимни папа ханва, амма вири Аллагьди халкьнава. 13Куьне фагьума, папаз кьилел алачиз дуьа авун кутугнавани кьван? 14Итимди яргъи чӀарар тазватӀа, им ам патал беябурвал я, чаз ацукьуни-къарагъуни гьакӀ лугьузвачни кьван? 15Гьа са вахтунда паб патал яргъи чӀарар абур я. ГьикӀ лагьайтӀа, папаз яргъи чӀарар шаршавдин чкадал ганва. 16Са низ ятӀани захъ галаз и кардин паталай гьуьжет ийиз кӀанзаватӀа, заз гьасятда адаз лугьуз кӀанзава: я чаз, я Аллагьдин иманийрин муькуь кӀватӀалриз маса адет авач.
Реббидин суфра кутун
17И тагькимар гуналди, за куь тариф ийизвач лугьуз кӀанзава заз, вучиз лагьайтӀа куьн санал кӀватӀ хьунри хийирдилай гзаф зарар гъизва. 18Сад лагьайди, куьн иманийрин кӀватӀал хьиз, санал кӀватӀ жезвай берейра куьн пайи-паяр жезва лугьуз ван хьана заз. Са патахъай зун и ванерин чӀалахъни жезва. 19Куь арадавай фикиррин чаравални квекай вуж синагъра мягькем ятӀа къалурун патал хьун лазим я. 20Амма санал кӀватӀ жезвай берейра куьне ийизвай крариз Реббидин суфра кутунин карда иштиракун я сакӀани лугьуз жедач. 21Куьне гьар сада жува гъанвайди незва, гьакӀ садбур гишила амукьзава, муькуьбуру сархуш жедалди хъвазва. 22ТӀуьн-хъун паталди квез жуван кӀвалер авачни? Им Аллагьдин иманийрин кӀватӀал беябур авун ва чпиз недай затӀни авачирбур русвагь авун тушни кьван? За квез вуч лугьун? И кардай куь тариф ийидани? Гьелбетда, ваъ! 23ГьикӀ лагьайтӀа, за Реббидивай Вичивай кьабулна, квев агакьарна хьи, Иса Месигь маса гайи йифиз Ада фу гъиле кьуна 24ва ризкьи гудай дуьада шукурна, фу чӀук-чӀук авуна ихьтин гафар лагьана: «Им куь паталай гузвай Зи Беден я. Зун рикӀел хкиз гьа икӀ ая». 25Нянин тӀуьнилай кьулухъ Ада сукӀра гъиле кьуна, дуьа авуна ва лагьана: «И сукӀра Зи Ивидалди кутӀуннавай цӀийи Икьрар я. Гьар гъилера Зун рикӀел хкун патал хъвадайла, гьа икӀ ая». 26Вучиз лагьайтӀа гьар гъилера и фу недайла ва и сукӀрадай хъвадайла, куьне Ребби хкведалди Адан кьиникьикай шагьидвалда.
27Гьа икӀ, кутуг тавур саягъда фу незватӀа ва сукӀрадай хъвазватӀа, ада Реббидин Бедендин ва Ивидин аксина гунагь ийизва. 28Фу недалди ва сукӀрадай хъвадалди вилик инсанди вичи вич чиррай, 29вучиз лагьайтӀа Реббидин Бедендин метлеб кьатӀун тавуна незвай ва хъвазвай гьар сада вичиз кар кьадайвал ийизва. 30Куь арада чандин жигьетдай зайифбур ва азарри кьунвайбур гзаф авайди, гьатта рагьметдизни фенвайбур тӀимил тахьун гьавиляй я. 31Чна чун синагъ ийизвайтӀа, Аллагьди чи дуван ийидачир. 32Амма чи дуван Реббиди ийизвайла, чаз амай дуьньядихъ галаз санал кар атӀун патал, чаз тербия яз жаза гузва.
33Гьа икӀ, стхаяр-вахар, куьн санал нез кӀватӀ жедайла, сада сад вилив хуьх. 34Куь кӀватӀ хьунухьрай куь дуван тийидайвал, низ гишин ятӀа, къуй ада кӀвале тӀуьрай.
Зун куь патав атайла, за амай крарни гуьнгуьна твада.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Институт перевода Библии, 2010-2024