Yela 93
93
Korowii ɛ Kooro
1Korowii dɛ di kora,
o do laala kɛŋɔ kooro,
dɛ dɔ jirima kohona dɛɛ di kpeɡri.
O ta harɛ dɛ ɡel o che kiŋkiŋ,
nomɛlbwa aa wola won
kpɔ le o buɡ ta.
2Saŋ la bwaa he kora le.
Mɔɔ wobɛlbwa pa mun la,
dɛ he lole.
3N Naa Korowii,
mpo vile dɛ si,
a taɡɛ nehɛma aa kana dɛɛ ba,
dɛɛ si kohona.
4Kɛ hen Korowii te,
he dɛ di kora nyundua,
dɛ do kan ɡwaa
mpo sii waa dɛ si.
He kpeɡri ɡwaa
mpo nehɛma kwara.
5He mmarare cheɡɔ kiŋkiŋ
saŋ bɛlbwa dɛɛ la.
He Dea do ɡoroŋ kohona,
saŋ bɛlbwa dɛɛ la.
Избрани в момента:
Yela 93: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.