Yela 73
73
Yela tɔn toorote
(Yela 73—89)
Korowii kasinteŋ waa dɔa
Asaf yel
1Kasinteŋ, Korowii waa
wer tɛ o nɛra Israel tena,
banɔ la ba tea bini aa toa
dɛɛ teŋɛ o waa ta la.
2Kɛ n te, a ka tama n liire
fe chɔɡ, n yarada ɡe fee
tonɛ,
3dɛkalkɛ n na ɡɛ nyubinikpeɡ
tena, ne mbarafo tena
wa aa wera dɛɛ tɛɛ ba
la aa, dɛ n dɛ wee
ba bwara.#Yel 37:1
4Baa bonyɛɡa bɛlbwa na,
ba bwara kpeɡri kɛrɛdɛ.
5Baa wenaale aa dawɛ
nɛwɛnyina nɛɛ la na.
Baa weechɔɡa aa dɛ ba
nɛra nɛɛ la we.
6Anomanta, ba kpɔ mbarafo
do baŋa kɛŋɔ baŋa kwa,
asɛ naɡrenyin ber ba yal
ba kpɔ tɔ.
7Wechɔɡa su ba bambili,
nyubinikpeɡ vɔrɔwa ɡbo
waa swɛɛ ba siwi baa lii.
8Ba dɛ mamɛ ba bala,
dɛɛ bol ba bwara wechɔɡa,
ba dɔ mbarafo, dɛɛ vɔrɔwe
ɡɛ baa fiiɡi ba bala.
9Ba bol waa dɛɛ yaɡɛ
Korowii waa lɔ nyundua,
dɛ che mbarafo ta
dɛɛ do nɛra baa lɔ harɛ nɔ
ta wechɔɡa ta.
10Anomanta, Korowii nɛra
berɔ baa teŋɛ ba nɛ,
dɛɛ yarada waa baa dɛ ɛ la
bambile bwa ne kɛrɛdɛ.
11Ba ŋɔ, “Ɛrɛɛ Korowii
ɛɛ ba wona jemɛ ɔ?
Nemenɛ Korowii ta
a wejema dɔe.”#Job 22:13-14
12Gɛɛ nyubinikpeɡ tena
waa do, wobɛlbwa aa ban
ha, ba dɔ kondɔɔh
saŋ bɛlbwa dɛɛ ja.
13Amɔ pɛɛpɛɛ n ɡel
n bambile bini to,
n ta wechɔɡa bɛlbwa ɛɛ nɔ
naa?
14N Naa Korowii, he ɡelɔ
n bwara nyɛɡ mɛ tɔpebir
bwa, chɔɔ bɛlbwaa
hɛɛ tɛr n deŋne.
15Dɛ n bol ɡɛ waa la bɛlbwa
naa,
n fe le he nɛra la tɛ.
16N fe takapɔ kɛŋɔ n no
ɡɛ waa nɔ mun,
kɛ a kpeɡri tɛ mɛ kɛrɛdɛ,
17nemenɛ maa jo hen Korowii
Dea mɔɔ,
dɛ jemɛ waa aa pu
nyubinikpeɡ tena la.
18Kasinteŋ, hɛɛ ɡeloo ba lɔ na,
dɛ́ choɡli baa wola won ir
kpa.
19Ba chɔɡɔ buɡ la ta,
dɛ sewɛ seo wɔb.
20Ba do kɛŋɔ nɛn yon
chɔ dɛ́ dee, tɔɔ ne pera
dɛ o soɔh la ken.
N Naa Korowii,
he ɡɔɔ he te naa,
ba bwa dɛ́ peɡre.
21N bambile aa chɔɡa,
n loo ku la,
22dɛ n ɡɛnɔ kɛŋɔ ol ken,
n ta he waa mun noɛ.
23Kɛ dɛ saŋ bɛlbwa n ja he nɛ,
he lawɛ n nɔn kpoŋe.
24He dɛ baɡ mɛ asɛ mɛɛ teŋɛ
he waa la ta. A habɔɔ la,
hɛɛ lɛɛ mɛɛ ń dɔ jirima.
25N Naa Korowii, he ɡboo
lɔ nyundua dɛ́ won cha mɛ.
He habɔɔ, maa komɛlbwa
nyin harɛ nɔ ta.#Jɔn 6:68
26N bwadabii ɡwɛɡrɔ
n liire chɔɡ aa,
hen Korowiirii dɛ́ tɛ mɛ bokpeɡa,
henee n komɛlbwa.
27Nɛra baa berɛ habɔɔ
kpoe la bwa ɛɛ serewoo,
ɡɛɛ nɛra baa wola
he waa ta teŋɛ la,
hɛɛ ba ɡela ba ɡe serewe.
28Kɛ n te, a wer kɛŋɔ
ń bɛne hen Korowii.
Hen Nemenɛ Korowiirii
n chwa baa marɛ,
hɛɛ lɛɛ mɛ,
mɛɛ bol he nyokpowaa
haa ɛa bwaa baɡle nɛra.
Избрани в момента:
Yela 73: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 73
73
Yela tɔn toorote
(Yela 73—89)
Korowii kasinteŋ waa dɔa
Asaf yel
1Kasinteŋ, Korowii waa
wer tɛ o nɛra Israel tena,
banɔ la ba tea bini aa toa
dɛɛ teŋɛ o waa ta la.
2Kɛ n te, a ka tama n liire
fe chɔɡ, n yarada ɡe fee
tonɛ,
3dɛkalkɛ n na ɡɛ nyubinikpeɡ
tena, ne mbarafo tena
wa aa wera dɛɛ tɛɛ ba
la aa, dɛ n dɛ wee
ba bwara.#Yel 37:1
4Baa bonyɛɡa bɛlbwa na,
ba bwara kpeɡri kɛrɛdɛ.
5Baa wenaale aa dawɛ
nɛwɛnyina nɛɛ la na.
Baa weechɔɡa aa dɛ ba
nɛra nɛɛ la we.
6Anomanta, ba kpɔ mbarafo
do baŋa kɛŋɔ baŋa kwa,
asɛ naɡrenyin ber ba yal
ba kpɔ tɔ.
7Wechɔɡa su ba bambili,
nyubinikpeɡ vɔrɔwa ɡbo
waa swɛɛ ba siwi baa lii.
8Ba dɛ mamɛ ba bala,
dɛɛ bol ba bwara wechɔɡa,
ba dɔ mbarafo, dɛɛ vɔrɔwe
ɡɛ baa fiiɡi ba bala.
9Ba bol waa dɛɛ yaɡɛ
Korowii waa lɔ nyundua,
dɛ che mbarafo ta
dɛɛ do nɛra baa lɔ harɛ nɔ
ta wechɔɡa ta.
10Anomanta, Korowii nɛra
berɔ baa teŋɛ ba nɛ,
dɛɛ yarada waa baa dɛ ɛ la
bambile bwa ne kɛrɛdɛ.
11Ba ŋɔ, “Ɛrɛɛ Korowii
ɛɛ ba wona jemɛ ɔ?
Nemenɛ Korowii ta
a wejema dɔe.”#Job 22:13-14
12Gɛɛ nyubinikpeɡ tena
waa do, wobɛlbwa aa ban
ha, ba dɔ kondɔɔh
saŋ bɛlbwa dɛɛ ja.
13Amɔ pɛɛpɛɛ n ɡel
n bambile bini to,
n ta wechɔɡa bɛlbwa ɛɛ nɔ
naa?
14N Naa Korowii, he ɡelɔ
n bwara nyɛɡ mɛ tɔpebir
bwa, chɔɔ bɛlbwaa
hɛɛ tɛr n deŋne.
15Dɛ n bol ɡɛ waa la bɛlbwa
naa,
n fe le he nɛra la tɛ.
16N fe takapɔ kɛŋɔ n no
ɡɛ waa nɔ mun,
kɛ a kpeɡri tɛ mɛ kɛrɛdɛ,
17nemenɛ maa jo hen Korowii
Dea mɔɔ,
dɛ jemɛ waa aa pu
nyubinikpeɡ tena la.
18Kasinteŋ, hɛɛ ɡeloo ba lɔ na,
dɛ́ choɡli baa wola won ir
kpa.
19Ba chɔɡɔ buɡ la ta,
dɛ sewɛ seo wɔb.
20Ba do kɛŋɔ nɛn yon
chɔ dɛ́ dee, tɔɔ ne pera
dɛ o soɔh la ken.
N Naa Korowii,
he ɡɔɔ he te naa,
ba bwa dɛ́ peɡre.
21N bambile aa chɔɡa,
n loo ku la,
22dɛ n ɡɛnɔ kɛŋɔ ol ken,
n ta he waa mun noɛ.
23Kɛ dɛ saŋ bɛlbwa n ja he nɛ,
he lawɛ n nɔn kpoŋe.
24He dɛ baɡ mɛ asɛ mɛɛ teŋɛ
he waa la ta. A habɔɔ la,
hɛɛ lɛɛ mɛɛ ń dɔ jirima.
25N Naa Korowii, he ɡboo
lɔ nyundua dɛ́ won cha mɛ.
He habɔɔ, maa komɛlbwa
nyin harɛ nɔ ta.#Jɔn 6:68
26N bwadabii ɡwɛɡrɔ
n liire chɔɡ aa,
hen Korowiirii dɛ́ tɛ mɛ bokpeɡa,
henee n komɛlbwa.
27Nɛra baa berɛ habɔɔ
kpoe la bwa ɛɛ serewoo,
ɡɛɛ nɛra baa wola
he waa ta teŋɛ la,
hɛɛ ba ɡela ba ɡe serewe.
28Kɛ n te, a wer kɛŋɔ
ń bɛne hen Korowii.
Hen Nemenɛ Korowiirii
n chwa baa marɛ,
hɛɛ lɛɛ mɛ,
mɛɛ bol he nyokpowaa
haa ɛa bwaa baɡle nɛra.
Избрани в момента:
:
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.