Yela 65
65
Korowii kpɛɛra ne o jaama
Kooro Devid yel
1N Naa Korowii,
henee chɛ kɛ yá kpɔ duure
tɛɛ bwɛjen Saayɔn,
dɛ́ chuɡri ya nyobaɡa
yaa baɡɛ la,
2dɛkalkɛ henee dɛɛ no ya
wesoŋa.
Nɛra ɛɛ le bobɛlbwaa
ba he be dɛ́ ba tomɛ,
3ba wechɔɡa aa ɡwaa
ba nɛɛ la wa,
ásɛ he kpɔ ba wechɔɡa
kɛ ba.#Aes 6:7
4Nɛra haa lee ba ŋɔ bá
ba so he Dea bela la,
ba na som.
Ya sie ɛɛ lɛ kondɛɛɡa
haa swee yaa a do he Dea
waa do ɡoroŋ la taa.
5N Naa Korowii haa dɛ lɛ yaa,
he cheɡɛ he nyokpowe-ɛɛla
ta,
dɛ no ya wesoŋa.
He nɛɛ nɛra baa lɔ
harɛ jaɡa bwa, ne banɔ la
baa lɔ mpo jaɡa bwa ɛɛ
hwɛɡɛ.
6He kpeɡri taa he che
dɛ ta bwejena dɛ chaɡle
kpeɡri kohona haa dɔa.
7He ɡelɔ mpo nehɛma
sii nyoa hel,
asɛ harɛre nɛra nyoa sɔɔh,
moola baa dɛ moo ta.#Mat 8:26
8Bambiteŋa kohona chole
harɛre nɛra nɛ,
he wejena haa ɛa la wa.
He we-ɛɛla ba silɛɛ ne
ba tɛ nɛra baa lɔ harɛ nɔ
bwa ta, baa moo.
9He dɛ dawɛ ya wa,
dɛ ɡel bwaala ɛɛ nɛ harɛ
nɔ ta,
o do wer dɛɛ ɛ konduula
kohona.
He ɡelɔ nenabɔɔne
bwa suuɡi,
nɛra dɔ kondikwaa dɛɛ di.
Gɛ haa ɛa laanee teŋa nɔ,
10he nɛ bwaala tɔɡa
kooni baa para ta,
asɛ harɛ bwa sɔɔh kohona.
He ɡelɔ o nɛ kompar ta,
harɛ pwɛr a won le
dɛ kpeɡ.
11He wer haa doa nomanta,
he ɡelɔ kondikwaa
ba kohona,
dɛ bu harɛ ta bobɛlbwa.
12Hale kpɔɡa moɡɛ
pua hɛŋle ɡbo harɛ ta,
asɛ deŋɡarere do wer kɛŋɔ
nɛra sie aa lɛa ken.
13Peera lɔ kpɔɡ bini bobɛlbwa,
dɛɛ di, fɛlembɔjena bwa
su mea,
aa ɡo yela dɛɛ moo silɛɛ ne
kɛ nɛra ken.
Избрани в момента:
Yela 65: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.