Популярни библейски стихове от Matthew 2

သူ့နို့ဟ အီထဲဝို ဝမ်ကေ့ဝိုခါမှာ မိခင်ဖြစ်သူမာရိ န သားဂန်းရားဝို ဖူးတွီ့ရလေရယ်။ သူ့နို့ဟ ဒူးထော့ရှေ့ခိုးဂေ့ပြီး ရွှေ၊ လောဗန်န မုရန်ဒို့ဝို ပူဇော်ဆစ်သဂေ့လေရယ်။

ဟေရုဒ်ဘုရင်လက်ထက်မှာ ကိုယ်တော်ယေရှုဟ ယုဒပြည်၊ ဗက်လင်ဗြို့မှာ ဖွားမြင်တော်မူလေရယ်။ အဲနော့ နက္ခတ်ပညာရှင်ချို့ဟ ရှေ့ရပ်ဟနေ ဂျေရုဆလင်ဗြို့ဝို ရော့လာဂေ့လေရယ်။ သူ့နို့ဟ "ဂျူး လူမျိုးဒွေရဲ့ဘုရင်အဖြစ် မွီးဖွားလာဝို သားဂန်းရားဟ ဟယ်မှာနူး။ သူ့ဂျော့န ရှေ့ရပ်မှာ ပေါ်ထွန်းလာဝိုကြယ်ဝို ကျနော်ဒို့ ဗြင်ရရိတွက်ကြော့ သူ့ဝိုဖူးမျှော်ဝို့ လာဂေ့ဇာဖြစ်ရယ်" ဆိုပီး ပြောဆိုဂေ့လေရယ်။

သူ့နို့ဟ အဲမိုကြယ်ဝို ဗြင်ဂေ့ဝိုခါမှာ ရားဒိုင်းဝမ်းမြော့ဝမ်းသာဖြစ်ဂေ့လေရယ်။

အဲနော့ ဘုရားရှင်ဟ သူ့နို့ဝို ဟေရုဒ်ဆီဝို ပလန်မသွားဝို့ အိမက်ပေးရိတွက် သူ့နို့ဟ ခြားလမ်းန သူ့နို့တိုင်းပြည်ဝို ပလန်ဂေ့လေရယ်။ အဲမို ပညာရှေ့ဒွေ ထွက်ခွာပြီးနော့ ဘုရားရှင်ရဲ့နတ်ဒေဝါတစ်ဘားဟ ယောသပ်ဝို "ထလော့။ သားဂန်းရားန သူ့မိဝိုခေါ်ပီး အီဂျစ်ပြည်ဝို ထွက်ပလေးဂေ့လော့။ ဟေရုဒ်ဟ သားဂန်းရားဝို ရှာပီးသတ်ဝို့ ကြံရွယ်နေရိတွက်ကြော့ "ပလန်လာပါ" ဆိုပီး ငါမပြောမချင်း အဲနေရာမှာ နေဂေ့လော့။" ဆိုပီး အိမက်ပေးလေရယ်။