Популярни библейски стихове от Рим 10

Споделяне

Иисусым Господь манын, тӹнь йӹлмет доно эдем анзылны пачын попет дӓ, Йымы Тӹдӹм колымаш гӹц ӹлӹжтен манын, йӓнгет доно ӹнянет гӹнь, ытаралтат.

Вет йӓнг доно ӹнянӹмӓш тӧрӹш лӓкмӓшкӹ нӓнгеӓ, йӹлмӹ доно пачын попымаш – ытаралтмашкы.

Тенгежӹ, ӹнянӹмӓш уверӹм колмы гӹц шачеш, а уверӹм колмаш Йымын шамакшы гач толеш.

Писани попа: «Тӹдӹлӓн ӹнянӹшӹ иктӓт намысыш ак пыры». Тиштӹ иудей дон эллин лошты айыртем уке: Господь цилӓштӹн икток. Кӱ Тӹдӹ гӹц палшыкым ядын ыдылеш, Господь пайдажы гӹц цилӓлӓн пуа. Вет «Палшыкым ядын, Господьын лӹмжӹм ӱжшӹ хоть-кӱӓт ытаралтеш».

А колтымы агылеп гӹнь, кыце увертӓрен кердӹт? Тенге сирӹмӹ: «Тыр гишӓн увертӓрӹшӹвлӓн дӓ пуры уверӹм кандышывлӓн толмышты махань яжо!»

Но кӱлӓн ак ӹнянеп, кыце Тӹдӹ гӹц палшыкым ядын кердӹт? Кӱ гишӓн колделыт гӹнь, кыце Тӹдӹлӓн ӹнянен кердӹт? Увертӓрӹшӹ уке гӹнь, кыце нӹнӹ колын кердӹт?

Законын мычашыжы – Христос, тенге ӹнянӹшӹ цилӓ эдем тӧрӹш лыкмы лиэш.