Популярни библейски стихове от ROM 8

Споделяне

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

Bangmah in ama hong itna tawh hong kikhensakzo het lo ding hi, ci-in ka thei hi. Sihna, nuntakna, vantung mite, vantung vangliatnate, tuhun nate le a hong tung ding nate, leitung a om nate, leinuai-a om nate, Pasian’ bawlsa nate khat peuhpeuh in i Topa Khrih Jesuh hangin Pasian in eite hong itna tawh hong khenzo het lo ding hi.

Tua ahih manin eite bangzahin ginalo hitalehang eite a hong huh dingin Kha Siangtho a hong pai hi. Eite in a kilawm bangin thunget ding nangawn i thei kei a, ahi zongin Kha Siangtho mah in tauna tawh eite a dingin a hong thumsak hi.

Hih teng bang ahih khit ciangin bang gen ding om nawn ahi hiam? Pasian in eite hong koppih peuh leh kua in eite hong zozo ding ahi hiam?

Ahi zongin tu-in ahihleh Khrih Jesuh tawh kipawlin a nungta mite pen mawhna thukhenna tawh kipelh hi.

I ngaihsutna, i pumpi deihna uksak lehang sihna tawh kizom hi; i ngaihsutna, Kha Siangtho uksak lehang nuntakna le nopsakna tawh a kizom hi.

Eite a hong it pa’ hangin hih thu khempeuhah a gualzo pente ihi hi.

Tuhuna i thuaknate pen Pasian in a hong piak ding minthanna tawh ka ngaihsut khawm ciangin gentham ka sa het kei hi.

Tua ahih manin bangin Khrih’ itna tawh hong kikhensakzo ding ahi hiam? Haksatna, lungkhamna, bawlsiatna, gilkialna, zawnna, lauhuaina, sihnate khat peuhpeuh in hong khenzo ding ahi hiam?

Kha Siangtho in Pasian’ deihna tawh kizui-in Pasian’ mite a dingin hong thumsak ahih manin mihingte’ lungsimtawng thu a thei Pasian in Kha Siangtho’ ngaihsutna a thei hi.

Pasian’ Kha Siangtho in a makaih mite, Pasian’ tate ahi uh hi.

Amau pumpi deihna bangin a nungtate, amau pumpi deihna in a lungsim uh a uk hi; Kha Siangtho deihna bangin a nungtate, Kha Siangtho in amau lungsim a uk hi.

Ama Tapa nangawn siit loin eite khempeuh a dingin hong piakhia ahih manin, na dang khempeuh zong hong piazaw kan ding hi lo ahi hiam?

Eite, Pasian’ tate ihihna thu eima lungsim bek in a gen hi loin Pasian’ Kha Siangtho in zong hong genpih hi. Eite pen ama ta ihih manin mite a dingin a koih thuphate i ngah banah Khrih a dingin a koihte zong i ngahkhawm lai ding hi. Bang hang hiam cih leh Khrih in a thuak mah bangin i thuak nakleh amah a minthan’ mah bangin ei zong i minthang ding hi.

Mi khatpeuh in ama pumpi deihna a ki-uksak ciangin Pasian’ thukhamte zui lo ahih manin Pasian’ gal suak a, a zuihnop hangin zong zui thei lo hi.

Pasian’ bawlsa khempeuh in Pasian’ tate a hong kilahkhiat hun ding lawp mahmahin a ngak uh hi.

Tuhun ciang dong Pasian’ bawlsa khempeuh nupi nausuak ding bangin na sa-in a tauna uh i thei hi.