Популярни библейски стихове от ROM 6

Споделяне

Bang hang hiam cih leh mawhna in thaman hong piak pen sihna hi a, ahi zongin i Topa Jesuh tawh i kipawl manin Pasian’ hong piakkhong pen nuntak tawntungna ahi hi.

Note pen thukham’ sawlna hangin nasem hi loin Pasian’ hong lah thuhoihte’ hangin nasem na hih uh manin mawhna’ sawlna mangin na gamta nawn kei un.

I Pa’ vangliatna tawh sihna panin Khrih a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a sikhawm ihi hi.

Mawhna gamtat nadingin na pumpi nate uh khat beek na zang nawn kei ding uh hi. Note pen misi hinapi-in a kihingkiksak mite bang na hih manun, a hoihin a hong zattheih nadingin na pumpi bup uh Pasian’ tungah na piazaw ding uh hi.

Mawhna khutnuai-ah eite i om nawn loh nadingin mawhnopna lungsim i neihnateng i sucip a, singlamteh tungah Khrih a sih laitak mahin i ngeina luiteng a sisak khawm ihihna thu i thei hi.

Tua mah bangin note zong Khrih Jesuh tawh kipawlin mawhna thu-ah si-in, Pasian’ thu-ah a nungta-in na kingaihsut ding uh ahi hi.

Tua ahihleh Pasian’ hehpihna a liattheih nadingin mawhna bawlbawl ding ihi hiam? Tua bang hi dek lo ding hi. Mawhna thu-ah a si eite in bangci-in mawhna bawl thei nawn ding ihi hiam?

Mi khatpeuh’ thu a mang dingin ama khut sungah na kipiak uh ciangin a thu na mante uh’ sila na hi uh hi. Mawhna na bawl uhleh sihna a thuak ding na hi uh a, thumangin na om uhleh Pasian tawh pawlkhat a suak ding na hi uh hi.

Nidangin silate bangin mawhna’ thu a mang hinapi-in, tu-in note tungah a hong kipia thuhilhna kipte, na lungsim khempeuh uh tawh zui na hih manun Pasian tungah i lungdam mahmah hi. Mawhna’ vangliatna panin na suakta khinta uh a, a manin a gamta ding mite na hita uh hi.