Популярни библейски стихове от ROM 11

Споделяне

Bang hang hiam cih leh na khempeuh ama piansak hi a, na khempeuh ama hang le ama minthan nading bekin a om ahi hi. Mi khempeuh in Pasian phat tawntung ta hen! Amen.

Tua ahih manin Pasian’ hong hehpihna nakliat mahmah a, a pilna le a thu theihnate nakthuk mahmah hi. Ama thukhennate kua’ gentheih ding hi lo a, a nasepna ziate kua’ telzawh ding hi lo hi.

Tua ahih manin Lai Siangtho in, “Kua in Topa’ lungsim thei ding a, kua in ngaihsutna va pia thei ding ahi hiam?

Tua mah bangin tuhunin zong Pasian in ama hehpihna tawh a teelsa mi tawmkhat omlai hi. A teelna ah mite’ nasepna bulphuhin a teel hi loin ama dikna hangin a teel hizaw hi. Pasian in mihingte’ nasepna bulphuhin a teel hileh Pasian’ dikna pen dikna kici thei lo ding hi.

A kiciing oliv kung a hiangte kisatkhia-in gamlak oliv hiangte tawh kipeh hi. No Gentail-te pen tua gamlak oliv hiangte tawh a kibang na hi uh a, Jew mite’ hamphatna teng a ngahkhawm na hi uh hi. Tua ahih manin oliv hiang a kisatkhia tawh a kibang Jew mite simmawhbawl kha kei un. Note na kiphatsak theih nading uh a thu om lo hi. Note pen a hiang tawh a kibang lel na hi uh a, note in a zungpi a hingsak hi loin, a zungpi in note a hong hingsak ahi zaw hi.