Популярни библейски стихове от ኀበ ሰብአ ሮሜ 14

Споделяне

እስመ ኢኮነ መንግሥተ እግዚአብሔር መብልዐ ወመስቴ ዘእንበለ ጽድቅ ወሰላም ወፍሥሓ በመንፈስ ቅዱስ። ወዘሰ ከመዝ ይትቀነይ ለክርስቶስ ሥሙር በኀበ እግዚአብሔር ወኅሩይ በኀበ ሰብእ።

ወእመኒ ሐየውነ ለእግዚአብሔር ነሐዩ ወእመኒ ሞትነ ለእግዚአብሔር ንመውት እመኒ ሐየውነ ወእመኒ ሞትነ ለእግዚአብሔር ንሕነ።

ወይእዜኒ ንትልዋ ለሰላም በዘይትሐነጽ ቢጽነ።

ወኢንግዐዝ እንከ ቢጸነ ወዘንተ ዳእሙ ነኀሊ በዘኢንግዕዝ ቢጸነ።

እስመ ከመዝ ይቤ እግዚአብሔር «ሕያው አነ እስመ ሊተ ይሰግድ ኵሉ ብርክ ወሊተ ይገኒ ኵሉ ልሳን።» ናሁ ተዐውቀ ከመ ሀለወነ ኵልነ ንትሐተት በኀበ እግዚአብሔር።

ወለዘኒ ድኩም ሃይማኖቱ ጹርዎ ወአጽንዕዎ ወኢትግበሩ ለአድልዎ።

ምንትኑ አንተ ዘትግዕዝ ነባሬ ባዕድ እንዘ ለእግዚኡ ይቀውም እመኒ ወድቀ ለእግዚኡ ይቀውም ወይክል እግዚአብሔር አቅሞቶ።