Популярни библейски стихове от O KEJADIAN 27

Споделяне

Tanu ma Jou Madutu wonihidöaka ngonaika o dumunitara o dihanguku, deʼ yadiai mata-mata anidumule iburere! Tanu Ünanga wonihi döaka ngonaika o gandum deʼ o angguru de maboboloi! Tanu hagala o berera de o hoana yodadi ani gilaongo, deʼ hagala o hoana de o berera imaponu ngonaika. Tanu ngona näkuaha mata-mata ani riadodoto, deʼ ngoni ayo ami difauku yatila-bukuku inihuba ani himangoka. Tanu yobodito mata-mata o nyawa inilololai ngona, deʼ yamake o barakati mata-mata o nyawa inihibobarakati ngona.”

O Esau wotemo, ”Nenanga wohigali mahinotoka ünanga wohi tipu ngohi. Ipatutu ai romanga o Yakub. Unanga wal̄ëoka ahi haku hokä o ngohaka o riaka, deʼ o öraha nanga ünanga wa l̄ëoli o barakati idadadi tongohi. Boteka Baba koiwa anibarakati mahomoa ngohino?”

De ipaha o Ishak wïtemo unangika, ”Aha koiwa naga o dumunitara o dihanguku ngonaika, aha koiwa naga o dumule maboburere idadi tongona. Ngona aha nowango de ani oworo maidadi anidodoto ai gilaongo mä maöraha ngona nomalawani ngona aha ai kuahaino nolapahi.”

O Esau woluku wamal̄a wogahoko ai amaika, ”Boteka Baba duga-duga anibarakati kamoi dika? Nohihibarakati ngohiö Baba!” Ipaha womulaenge ünanga woarioli.